ށ. ފުނަދޫ ބަނދަރުގައި އޮތް ދޯންޏެއް ބަލައި އެރަށަށް ދިޔަ ފަސް މީހަކު ކޯވިޑް-19އަށް ޕޮޒިޓިވްވެ ރަށް މޮނީޓަރިންއަށް ލައިފިއެވެ.
އެމީހުން ޕޮޒިޓިވްވުމާއި ގުޅިގެން އެ ދޯނީގައި މަސައްކަތްކުރި އެރަށުގެ ވަޑިން ނިސްބަތްވާ 8 ގެއެއް ވެސް މިހާރު ވަނީ ކަރަންޓީނު ކޮށްފައެވެ.
މިކަމާ ގުޅިގެން އެ ދޯންޏަށް އެރި މީހެއް ވާނަމަ ށ. އަތޮޅު ހޮސްޕިޓަލްގެ 6540061 ނަމްބަރު ފޯނަށް ގުޅައި މައުލޫމާތު ހިއްސާކޮށްދިނުމަށް އެ ހޮސްޕިޓަލުން އެދެއެވެ.
