ހޯމް ކަރަންޓީނުގައި ތިބި ދެ މީހަކު ކޯވިޑް-19އަށް ޕޮޒިޓިވްވެ، ހަނިމާދޫގައި މިވަގުތު ތިބި އެކްޓިވް ކޭސްތަކުގެ އަދަދު 8 އަށް އަރައިފިއެވެ.
ހަނިމާދޫއިން އިތުރު ދެ މީހަކު ޕޮޒިޓިވްވިކަން ހާމަކުރަށްވައި ހަނިމާދޫ ސިއްހީ މަރުކަޒުން ވިދާޅުވީ، ހަނިމާދޫ ގައި ހޯމް ކަރަންޓީން ގައި ތިބި 2 މީހެއްގެ ކިބައިން ބަލީގެ އަލާމާތްތައް ފެނިގެން ޓެސްޓު ކުރިއިރު އެ ދެމީހުން ކޯވިޑް ޕޮޒިޓިވްވެފަ ވާކަމަށެވެ.
މިއާއެކު މިވަގުތު ހަނިމާދޫގައި އެކްޓިވް ކޭސްތަކުގެ އަދަދު 8 އަށް އަރާފަވާ ކަމަށް ސިއްހީ މަރުކަޒުން ވަނީ ވިދާޅުވެފަ އެވެ.
މިވަގުތު ހަނިމާދޫގައި ތިބި 8 އެކްޓިވް ކޭސްގެ ތެރެއިން 4 މީހުންނަކީ އިންޑިއާއަށް ނިސްބަތްވާ މީހުންނެވެ. އެއީ އިންޑިއާ ސިފައިންގެ މީހަކާއި އޭނާގެ އަނބިމީހާއާއި ދަރިފުޅު އަދި އިތުރު ސިފައިންގެ މީހެކެވެ. ބާކީ ތިބި 4 އެކްޓިވް ކޭސްއަކީ ހަނިމާދޫ މީހުންނެވެ.
