ބ.ދަރަވަންދޫ މޮނީޓަރިންއަށް ލައިފިއެވެ.
ބ.ދަރަވަންދޫ މޮނީޓަރިންއަށް މިލީ އެރަށު ހޯމް ކަރަންޓީންގައި ހުރި ބަނގުލަދޭޝް ރައްޔިތަކު ހޯމް ކަރަންޓީން އުސޫލާއި ހިލާފުވެ ރަށުތެރޭގައި އުޅުނު ފަހުން އެމިހާ ކޮވިޑް-19 އަށް ޕޮޒިޓިވް ވުމުންނެވެ.
އެމިހާ ވަނީ ރޭ އިޝާނަމާދަށާއި، ގިނަބަޔަކު ވިޔަފާރި ކުރާ މުއިރަން ފިހާރައަށްވެސް ގޮސްފައެވެ.
މިވަގުތު އެރަށުގައި ކޮންޓެކްޓް ޓުރޭސިންގެ މަސައްކަތް ކުރިއަށްދާއިރު އެމިހާއާއި ދިމާވި އެއްވެސް މީހަކު ލަސްނުކޮށް 6600040 އަށް ގުޅުއްވާ، މައުލޫމާތު ހިއްސާކުރުމަށް ދަރަވަންދޫ އެމަރޖެންސީ އޮޕެރޭޝަން ސެންޓަރުން އެދެއެވެ.
