ރާއްޖޭގެ އެކި ސަރަހައްދުތަކުގައި ކޮވިޑް-19 ޓެސްޓު ކުރުމުގެ އިންތިޒާމު ހަމަޖެއްސުމުގެ ގޮތުން ސަރުކާރުން ކުރަމުންދާ މަސައްކަތުގެ ތެރެއިން އިތުރު ހަ ރަށެއްގައި ޖީން ކާޓްރިޖް ބޭނުންކޮށްގެން ޓެސްޓު ކުރެވޭނެ ގޮތް ހަމަޖައްސައިފިއެވެ.
ހޯމަ ދުވަހުގެރޭ ޑަބްލިއުއެޗްއޯއާ ޔޫއެންޑީޕީ ގުޅިގެން ޖީން ކާޓްރިޖް ވަނީ ހެލްތް މިނިސްޓްރީއާ ހަވާލުކޮށްފައެވެ. އެ ކާޓްރިޖްތައް ހަވާލުކޮށްދެއްވީ ޑަބްލިއުއެޗްއޯއިން ރާއްޖެއަށް ކަނޑައަޅުއްވާފައިވާ ހާއްސަ މަންދޫބް ޑރ. އަރްވިންދް މާތުރްއެވެ.
މާލޭގެ އިތުރުން އަތޮޅު ތެރޭގައި މިހާރު ޕީސީއާރް ޓެސްޓު ކުރެވޭނީ އައްޑޫ ސިޓީގެ އިކުއެޓޯރިއަލް ހޮސްޕިޓަލުގައެވެ. އަދި ކުޅުދުއްފުށި ރީޖަނަލް ހޮސްޕިޓަލް ގައި ޕީސީއާރް ޓެސްޓު ކުރެވޭނެ އިންތިޒާމު ހަމަޖެއްސުމުގެ މަސައްކަތް ދަނީ ކުރަމުންނެވެ.
އަތޮޅުތަކުގައި ކޮވިޑް-19ށް ޓެސްޓު ކުރެވޭ ހޮސްޕިޓަލްތައް:
ހދ. ކުޅުދުއްފުށި ރީޖަނަލް ހޮސްޕިޓަލް
ށ. އަތޮޅު ހޮސްޕިޓަލް
ރ. އުނގޫފާރު ރީޖަނަލް ހޮސްޕިޓަލް
ބ. އަތޮޅު ހޮސްޕިޓަލް
ލ. ގަމު ރީޖަނަލް ހޮސްޕިޓަލް
ގއ. އަތޮޅު ހޮސްޕިޓަލް
ގދ. ޑރ. އަބްދުއްސަމަދު މެމޯރިއަލް ހޮސްޕިޓަލް
އައްޑޫ އިކުއެޓޯރިއަލް ހޮސްޕިޓަލް
އެ ހޮސްޕިޓަލު ތަކުގައި ކޮވިޑަށް ޓެސްޓު ކުރެވޭނެ އިންތިޒާމް ހަމަޖެހިގެން ދާނެ ތާރީހެއް މިނިސްޓަރު އަބްދުﷲ އަމީން ވިދާޅެއް ނުވެއެވެ.
