ހަނިމާދޫ ކައުންސިލްގެ އިހްތިސާސްގެ ތެރެއިން އިތުރުބިން ދޫކުރުމާއި ކައުންސިލްއަށް ލިބިދީފައިވާ ގާނޫނީ ބާރު އަދި ހުދޫދް!
އެކުލަވާލެވިފައިވާ ޤާނޫނު ނަންބަރު 7/2010 ( ދިވެހިރާއްޖޭގެ އިދާރީ ދާއިރާތަށް ލާމަރުކަޒީ އުސޫލުން ހިނގުމުގެ ޤާނޫނެއް އެކުލަވާލެވި 9 އިސްލާހެއް ގެނެވި 23 ޑިސެމްބަރު 2020 ގައި ރާއީސްލް ޖުމުހުރިއްޔާ ތަސްދީޤްކޮށް ގެޒެޓް ކުރެވިފައެވެ.
ވީމާ ބަލާލަން ޖެހޭ އަދި ރައްޔިތުންމެ ދެނެގަންނަންވީ ހަގީ ގަތަކީ މި އެއަރޕޯރޓް ތަރައްޤީ ކުރުމަށް ރަށު ކައުންސިލަށް ޕްލޭނިންގ މިނިސްޓްރީއިން މިއެދިފައިވާ 853937 އަކަފޫޓު ބިން ހަވާލު ނުކޮށް ތިބުމަކީ އެއްވެސް ކައުންސިލަކަށް ޤާނޫނުން ތަންދޭ ކަމެއް ނޫން ކަމެވެ. މިހެން މި ލިޔުމުގައި މި ލިޔުނު ސަބަބަކީ މަތީގައި މިވާ ޤާނޫނަށް ރިއާޔަތް ކޮއްފައެވެ.
މި ދެންނެވި ޤާނޫނުގެ އިސްލާޙުތައް ތަސްދީގް ކުރެވި ގެޒެޓް ކުރުމުގެ ކުރިން ކައުންސިލްތައް އަމަލުކުރަމުން އައީ ގަވާއިދު ނަންބަރު 24/2011 އޮވެއެވެ. އެގަވާއިދުގައިވެސް މިފަދަމޭރުމަކުން ކަނޑައަޅާފައިވާ ނުކުތާތަކެއް ފާހަގަ ކޮއްލާނަމެވެ.
- މާއްދާ 2 ގެ 3 ވަނަ ނުކުތާގެ (ށ) ގައި ލިޔެވިފައިވަނީ ، ” މި މާއްދާގެ (ހ) ގައި ބަޔާން ކޮއްފައިވާ ގޮތުގެމަތިން ކައުންސިލްތަކާއި ހަވާލު ކުރެވޭ ދަޢުލަތުގެ ބިން ބޭނުންކުރުމުގައި ސަރުކާރުގެ ތަރައްގީގެ އެކިއެކި މަޝްރޫތަކާއި އެކިއެކި ޕްރޮގްރާމްތަކަށް ރިއާޔަތް ކުރަންވާނެއެވެ.” މިހެނެވެ.
- ހަމަ މި ޤަވާއިދުގެ 4 ވަނަ މާއްދާގެ (ށ) ގައި ބަޔާން ކުރެވިފައިވަނީ، ” އަންނަނިވި ކަންކަމުގެ ތެރެއިން ކަމެއް މެދުވެރިވެއްޖެނަމަ، މި ޤަވާއިދުގެ ދަށުން ކައުންސިލްތަކާއި ހަވާލު ކުރެވޭ ދައުލަތުގެ ބިން، މިނިސްޓްރީގެ ބެލުމުގެ ދަށަށް ގެނެވޭނެއެވެ.
މި ގޮތުން (ށ) ގެ 5 ވަނަ ނުކުތާގައި ވަނީ، ” ދައުލަތުގެ ބިން ހިމެނޭ ސަރަހައްދުގައި ހިންގޭ ސަރުކާރުގެ ތަރައްގީގެ މަޝްރޫތަކާއި ތަރައްޤީގެ އެކިއެކި ޕްރޮގްރާމްތަކަށް ކައުންސިލުން ރިއާޔަތް ނުނުރުން.
މަތީގައި މިދެންނެވުނު ޤާނޫނު އިސްލާހުތަކާއެކު ގެޒެޓްކުރެވުނު ތާރީޙުން ފެށިގެން މި ދެންނެވުނު ޤަވާއިދް ވަނީ އުވާލެވިފައެވެ. އަދި މިހާރު ލާމަރުކަޒީ ގޮތުން އަމަލުކުރަންޖެހޭނީ މި ދެންނެވި 9 އިސްލާހާއެކު ތަސްދީގް ކުރެވިފައިވާ ޤާނޫޫނަށެވެ.
މި ޤާނޫޫނުގެ ބާބު ތަކަށާއި ނުކުތާތަކަށް ނަޒަރު ހިންގާލުމަށް ހިންގަވާށެވެ.
- ޤާނޫނު ނަންބަރު 07/2010 ގެ 2-56 ހ ( އިިިިޚްތިޞާޞް ހިނގާ ސަރަހައްދުގެ މިލްކުވެރިކަން) މި މާއްދާގައިވަނީ ، ” ސިޓީ ކައުންސިލާއި ރަށު ކައުންސިލްގެ އިޚްތިޞާޞް ތެރޭގައި ހިމެނޭ އެންމެހައި ވަސީލަތްތަކާއި ބިނާތަކާއި ނުއުފުލޭ ހަރުމުދަލުގެ މިލްކުވެރިކަން ލިބިފައިވަނީ ކައުންސިލަށެވެ. އަދި އެނޫން އެފަދަ ތަންތަނަކީ ދައުލަތުގެ އިޙްތިޞާސް ތެރޭގައި ހިމެނޭ ދައުލަތުގެ މިލްކެކެވެ.”
އަދި މި މާއްދާގެ (ނ) ގައިވަނީ ،” މި މާދާގެ (ހ) ގައި އެހެން އޮތްނަމަވެސް، ޤައުމީ އިދާރާއަކުން ކުރިއަށް ގެންދާ މަޝްރޫއެއް ހިންގުމަށްޓަކައި ރަށު އަދި ސިޓީ ކައުންސިލެއްގެ އިޙްތިޞާޞެއްގެ ތެރޭގައި ހިމެނޭ ވަސީލަތްތަކާއި ބިނާތަކާއި ނުއުފުލޭ ހަރުމުދާގެ ތެރެއިން އެއްވެސް ތަނެއް ނުވަތަ މުދަލެއް ޤައުމީ އިދާރާއަކުން ބޭނުންވެއްޖެނަމަ، އެފަދަ ތަންތަނާއި މުދާ ޤައުމީ އިދާރާގެ ބޭނުމަށް ނެގިދާނެއެވެ. އެހެނަމަވެސް އެފަދައިން ތަނެއް ނަގަންވާނީ ކައުންސިލްތަކުން ކޮށްފައިވާ އިންވެސްޓްމަންޓްތަކަށް އެކަށީގެންވާ ބަދަލެއް ދިނުމަށް ފަހުގައެވެ.
ވީމާ މިހެން ޤާނޫނުގައި ބުނެފާވާ ހިނދު، މި ދެންނެވި އިތުރުކުރަން ސަރުކާރުން ނިންމާފައިވާ ބިން ނުދީ ހިފެހެއްޓުމަކީ ހަނިމާދޫ ކައުންސިލަށް ޤާނޫނު އަސާސީ ތަންދޭ ކަމެއް ނޫންކަން ޤާނޫނީ ނަޒަރަކުން ހަނިމާދޫގެ ކަންބޮޑުވެ އަޑުއުފުލާ ރައްޔިތުންނަށް އަންގާލަން ބޭނުމެވެ. އެހެނަސް އެސަރަހައްދުގައި ކައުންސިލް މާލިއްޔަތުން ހަރަދުކޮށް ބިނާކުރެވިފައިވާ “ޕިކްނިކް އޭރިއާ” އަށް އެކަށީގެންވާ ބަދަލެއް ހޯދުމީ ޤާނޫން ލިބިދީފައިވާ ހައްގެއްކަން ފާހަގަކޮށްލަމެވެ.
ކަމުގެ ހަޤީޤަތަށް ވާސިލްވުމީ އަޅުގަނޑުގެ މިލިޔުމުގެ މަގްސަދު ކަމައްވެފައި ، މި ބިމަކީ ރަށުގެ ގިނަ ބަޔެއްގެ ކަންބޮޑުވުން އުފެދިފައިވާ މައްސަލައަކައްވާތީވެ ނިންމާލުމުގެ ކުރިން މިދެންނެވުނު ޤާނޫނުގެ އެހެން މާއްދާއަކަށް އަލިއަޅުވާލަން ބޭނުމެވެ.
ޤާނޫނު ނަންބަރު 07/2010 1-56 (ހ) ގައި ވަނީ ، “ އިދާރީ ދާއިރާއެއްގައި ހިމެނޭ ކޮންމެ ސިޓީ ކައުންސިލަކާއި ރަށު ކައުންސިލެއްގެ އިޙްތިޞޯޯޞް ރައީސުލްޖުމްހޫރިއްޔާ ކަނޑައަޅަންވާނެއެވެ.” ވީމާ ރައްޔިތުންގެ ކަންބޮޑުވުން އޮތްނަމަ ރައީސުލްޖުމުހުރިއްޔާއަށް މި ކަމުގެ ކަންބޮޑުވުމެއް ، އޮންނަ އުސޫލުގެ ތެރެއިން ހުށައެޅުމުގެ އިހްތިޔާރު ކޮންމެ ރައްޔިތަކަށްމެ އޮތްކަން އަންގާލަން ބޭނުމެވެ.
އަދި ހަގީީގަތާއި ހިލާފު ވާހަކަ ހެކި ނެތި ދެއްކުމަކީ އެންމެ ރަނގަޅު ގޮތްތޯ ސުވާލު ކޮއްލަން ބޭނުމެވެ؟
ޝުކުރިއްޔާ! 3 ވަނަ ތަފްސީލެއް ހިއްސާކުރާނަމެވެ.
