ހަނިމާދޫ ކޮވިޑް 19 ޕޮޒިޓިވް 3 މީހުން ބަލިން ރަނގަޅުވެއްޖެއެވެ.
މިއަދު ބަލިން ރަނގަޅު ވެފައިވަނީ ރަވްޝާ ގެއިން 1، އަދި އާހިޔާ ގޭގައި ތިބި 2 މީހުންނެވެ. ރަވްޝާ ގައި ހުރި 32 އަހަރު ފިރިހެނެއް ޕޮޒިޓިވް ވީ 24 މެއި 2021 ވަނަދުވަހުއެވެ. އަދި އާހިޔާ ގައި ހުރި 27 އަހަރު ފިރިހެނަކާ 23 އަހަރުގެ އަންހެނެއް ޕޮޒިޓިވްވީ 26 މެއި 2021 ވަނަ ދުވަހުއެވެ. މި ހުރިހާ މީހުންނަކީ މާލެއިން ހަނިމާދޫއަށް އައިސް ހޯމް ކަރަންޓީންނުގައި ތިބި މީހުންނެވެ.
ރަވްޝާ ކޭހާއި ގުޅިގެން މޮނިޓަރިންނަށް ލެވުނު 5 ގެއިން 04 ގެ ވަނީ މިހާރު ދޫކޮށްލާފައި ކަމަށް ސީނިއަރ ކޮމިއުނިޓީ ހެލްތު އޮފިސަރ ޒުބައިދާ އިބްރާހިމް ވިދާޅުވިއެވެ. ކަރަންޓީނުން ދޫކޮށްނުލާ ހަމަ އެކަނި ގެއަކީ ލޭކޮކާގެ އެވެ.
ރަވްޝާ ކޭހާއި ގުޅިގެން ކަރަންޓީން ކުރެވުނު ގެތައް
- ލޭކޮކާގެ
- ބޮކަރުމާގެ
- ހުވަނދުމާ
- ޓުލެޓް
- ހުވަނދުމާގެ
މީގެ އިތުރުން ހަނިމާދޫ ގެސްޓު ހައުސެއްގައި މަސައްކަތް ކުރާ ފަރާތެއް ވަނީ ޑައިރެކްޓު ކޮންޓެކްޓްގެ ގޮތުގައި ފާހަގަވެ ކަރަންޓީން ކުރުމަށްފަހު، މިއަދު ވަނީ ދޫކޮށްލާފައެވެ. އެއީ އަރާކުރި ކިޔާގޭގައި އުޅޭ ފަރާތަކެވެ.
މިވަގުތު ހަނިމާދޫގައި އެކްޓިވް ކޮވިޑް ކޭސްގެ ގޮތުގައި ހުރީ، ނޫވިލު ކިޔާ ގޭގައި ހޯމްކަރަންޓީންގައި ހުރި 45 އަހަރުގެ ފިރިހެނެކެވެ.
