އެންމެ ފުރަތަމައިންނުންވެސް މާސްކް އަޅުއްވާ، މާސްކު އެޅުމަށް ސިއްހީ މާހިރުން ވިދާޅުވާގޮތަށް އަންގައާއި ނޭފަތް ފޮރުވޭހެން އަޅުއްވާ!! އެއި މި ވިދާޅުވި މާސްކުގެ ސަބަބުން އެހެން މީހެއްގެ ފުށުން ތިބާވެސް އަދި ތިބާގެ ފުށުން އެހެން މީހަކަށްވެސް މި ވައިރަސް ފެތުރުން ދުރުކޮއްދޭތީއެވެ.
ދެވަނައަށް އެންމެ މުހިއްމު ކަމަކީ ބޭރައް ނިކުމެ އުޅޭނަމަ 3 ފޫޓުގެ ދުރުމިން އެހެން މީހުންނާއި ބެހެއްޓުމަށް ސަމާލުވުން، އެއީ މިއަދަކު ޓެސްޓު ނުކުރާހާ ހިނދަކު ނެތް އެނގޭކަށް މި ބަލީގަ ފައްސިވެފަ ހުރީ ކާކު ކަމެއް އިނގޭތޯއެވެ!؟ ކިތައްމެ ދަންނަ މީހަކާއި ދިމާވިއަސް 3 ފޫޓްގެ ދުރުމިން ބަހައްޓާށެވެ. އެއީ ހަމަ ތިބާއާއި ތިބާގެ އާއިލާގެ ރައްކަލަކަށެވެ. އަދި ހަމާ ގާތް އެކުވެރިންގެ ރައްކަލަކަށެވެ.
ތިންވަނައަށް މުހިއްމު ކަމަކީ ބޭރުގައި އުޅުމަށްފަހު ގެއަށް ނުވަތަ އޮފީހަށް ވަންނަނަމަ އެންމެ ފުރަތަމައިންނުން ވެސް ސައިބޯނި ލައިގެން ރަނގަޅަށް އަތް ދޮންނާށެވެ. ބޭރުގައި ގިނަ ބަޔެއްގެ ތެރޭ އުޅެފަ 3 ފޫޓު ދުރުގައި ހުރި ކަމުގައި ވިނަމަވެސް ގެއަށް ވަނުމަށްފަހު ހެދުން ބަދަލު ކޮއްލާށެވެ. އަދި އޮފީހެއްގައި އާންމު ހިދުމަތެއް ދޭން ޖެހޭ ފަރާތެއްނަމަ، މާސްކާއެކު ސަރޖިކަލް އަންގި ވެސް ބޭނުންކުރާށެވެ. އަންގި ނެތްނަމަ ސެނެޓައިޒްވެސް އަވަސް އަވަހަށް ކުރާށެވެ.
ކެއްސާ ކިނބިހި އަޅާނަމަ ނުވަތަ ރޯގާ ފާޑުވެ ކަރުގާރިއްސާނަމަ އަދި ހުން އައިސް ގައިގާ ރިއްސާނަމަ ލަސް ނުކުރައްވާ އެ ރަށެއްގެ ނުވަތަ ސިޓީއެއްގެ ފްލޫ ކްލިނަކަށް ގުޅުއްވާ އަވަހަށް ދުރުވާށެވެ.
މި އަދު ކުރެވެން އޮތް އެންމެ މުހިއްމު ކަމަކީ ފަރުދީ ޒިންމާ އަދާ ކުރުމާއެކު ސިއްހީ މާހިރުންގެ އިރުށާދު ހޯދުމެވެ، އަދި އަޑު އަހާ އަމަލު ކުރުމުގާ ދެމި ތިބުމެވެ. ރައްކާތެރި ވެވެން އޮތް ހުރިހާކަމެއް އާދަ ތަކަކަށް ހެދުމެވެ.
