ކުޅުދުއްފުށީ ރީޖަނަލް ހޮސްޕިޓަލުން އެޕޮއިންޓްމަންޓެއް ލިބިފައިވާ ފަރާތްތަކުން މިހާލަތުގައި ކަންތައް ކުރަންޖެހޭ ގޮތް އެނގުމަކީ މުހިއްމުކަމެއްކަމުން އެކަން ހިއްސާކޮށްލާނަމެވެ.
ފުރަތަމަ ކަމަކަށް ހަނިމާދޫ ސިއްހީ މަރުކަޒުގެ ނަންބަރު 6520083 އަށް ގުޅުއްވައި އެޕޮއިންޓްމަންޓްގެ މައުލޫމަތު ހިއްސާ ކުރައްވާށެވެ. އެ މައުލޫމަތު ހިއްސާ ކުރުމުން ތިޔަފަރާތުގެ ދަތުރަށް ބޭނުންވާ ރެފަރަލް ލެޓަރ ސިއްހީ މަރުކަޒުން ތައްޔާރުކޮށް އެ ލިޔުން ހަނިމާދޫ ކައުންސިލަށް ފޮނުވާނެއެވެ.
ހަނިމާދޫ ކައުންސިލަށް ރެފަރަލް ލެޓަރ ލިބުނުތޯ ބެލުމަކީ ދަތުރުކުރަން ބޭނުންވާ މީހާ ކުރަންޖެހޭ ކަމެކެވެ. މިލިޔުން ލިބުންތޯ ކައުންސިލުގެ ނަންބަރު 7440028 އަށް ގުޅައިގެން ބެލޭނެއެވެ. ދަތުރުކުރުމުގެ ހުއްދަ ލިބޭނީ މި ލިޔުން ހަނިމާދޫ ކައުންސިލަށް ލިބުމުންނެވެ.
ރެފަރަލް ލެޓަރ ތައްޔާރުކޮށް ފޮނުވުމުން، ދަތުރު ކުރުމުގެ ހުއްދައަށް އެދޭނީ ހަނިމާދޫ ކައުންސިލުގައެވެ. ހުއްދައަށް އެދުމަަށް ރަށުހާލު.ކޮމް އަށް ވަދެ ޓްރެވަލް ޕާމިޓް ފޯމް ފުރާލުމުން ހުއްދަ ދިނުމުގެ ކަންތަށް ކުރިޔަށް ދާނެއެވެ.
ދަތުރަށް ހުއްދަ ލިބުމުން ފުރައިގެން ދެވޭނެއެވެ. ނަމަވެސް ކުޅުދުއްފުށީ ރީޖަނަލް ހޮސްޕިޓަލުގެ ނަންބަރު 6528864 އަށް ގުޅައި ދަތުރު ކުރާ ލޯންޗާއި ބަލިމީހާގެ މައުލޫމާތު ހިއްސާ ކުރަންވާނެއެވެ.
ކުޅުދުއްފުށްޓަށް ދެވުމުން ޕިކަޕެއްގައި ދާންޖެހޭނީ ސީދާ ކުޅުދުއްފުށީ ރީޖަނަލް ހޮސްޕިޓަލުގެ ފުލޫ ކުލިނިކަށެވެ. ޕިކަޕެއްގައި ދަތުރުކުރުން ލާޒިމެވެ. ޑޮކްޓަރަށް ދެއްކުމަށްފަހު ހޮސްޕިޓަލުން ސިދާ ލޯންޗަށް ގޮސް ރަށަށް އަންނާށެވެ.
