ރަށެއްގެ އިޤްތިސާދީ ޕްލޭނާއި ބިމުގެ މުހިންމުކަމަށް އަލިއަޅުވާލުން
ހަނިމާދޫ އަކީ ގުދުރަތީ ގޮތުން ބިންބޮޑު އަދި ފަޅުގެ ބޮޑުމިނަށް ބަލާއިރު ތިޔާގި ބިޔަ ބޮޑު ފަޅެއް އެކުލެވޭ ރީއްތި ވެއްޓެއްގެ ރަށެކެވެ. އުމްރާނީ ތަރައްޤީ، އުތުރުން ރަށަކަށް ލިބެންޖެހޭ ވަރުގެ އާބާދީ އޮތް ރަށެއްކަން ފާހަގަ ކޮއްލަން ޖެހެއެވެ.
އެހެނަސް މިހިނދަށް ބަލާލާނަމަ މި ރަށުގެ ބޮޑު ބިމުގެ ސަރަހައްދެއް މިހާރުވެސް މިވަނީ ދަޢުލަތުގެ އެކި އެކި ބޭނުމައް ނެގިފައިކަން ފާހަގަ ކޮއްލަން ޖެހެއެވެ. ރަށުގެ ރައްވެހިންގެ ތެރެއިން މިހާރުވެސް އަމިއްލަ ގެދޮރު ނެތި އަމިއްލަ އުފަން ރަށުގައި ކުއްޔަށް އުޅެމުންދާ އާއިލާތައް އެބަ އުޅެއެވެ. އެންމެ ފަހުން ގެދޮރު އެޅުމަށް ގޯތި ދޫކުރިފަހުން 11 އަހަރު ފާއިތުވެ ހިނގައްޖެއެވެ.
4ވަނަ ކައުންސިލްގެ ދައުރުފެށިގެން މި ދަނީއެވެ. ރަށުގެ އިހްތިސޯސް ހިމެނޭ ލޭންޑް ޔޫސް ޕްލޭނެއް އަދި އިގްތިސޯދީ ޕްލޭނެއް ރަށު ކައުންސިލްގެ ތެރެއިން މިދިޔަ 10 އަހަރު ތެރޭގައި ތައްޔާރު ކުރެވި ވުޒާރާ ތަކުން ފާސްކޮއްފައި އޮތް ކަމަކަށް ނުބެލެވެއެވެ. އެހެނީ އެހެން ރައްތަކާއި އެކު ލާމަރުކަޒީ ގާނޫނު ނަންބަރު 07/2010 ގެ ދަށުން ކައުންސިލްތައް އުފެދުނީއް ސުރެ މި ދެންނެވި ލޭންޑް ޔޫސް ޕްލޭނާއި އިޤްތިސޯދީ ޕްލޭން ހެދުމަކީ ކައުންސިލަށް މި އަދާ ހަމަ އަށް ހޮވުނު ކޮންމެ ދައުރެއްގެ ކޮންމެ ކައުންސިލް މެމްބަރެއްގެ ޤާނޫނީ ޒިންމާއެކަށް މިދެންނެވި ޤާނޫނުގައި ލިޔެވި ތަސްދީޤް ކުރެވިފައިވާތީއެވެ.
ކައުންސިލްތަކުގެ އިހްތިޞޯޞް ހިނގާ ސަރަހައްދުގައިވާ ބިންތަކަކީ އެކައުންސިލެއްގެ މިލްކުވެރިކަމުގައި ވާ ބިންތަކެކެވެ. ސަރުކާރަކުންމެ އެބިން އެއްވެސް ޤައުމީ ތަރައްޤީގެ މަޝްރޫޢްއަކަށް ނެގޭނީ އަދި އެކަމަކަށް އަހަރީ ބަޖެޓުގައި ތާވަލު ކުރެވޭނީ ރަށުގެ ތަރައްޤީީގެ ޕްލޭން ތަކަށް ރިޢާޔަތް ކުރުމައްފަހުގައެވެ. (07/2010 2-98 ވަނަ މާއްދާ)
ސުވާލަކީ ރައްޔިތުން މަސްޢޫލިއްޔަތް ހަވާލުކުރެއްވި މަންދޫބުން ރައްޔިތުން ތަމްސީލް ކުރުމުގައި އިޙްމާލު ވެއްޖެތޯއެވެ؟ އަދި ވަނީތޯއެވެ؟
މި ސުވާލު ކުރުމުން މިހާތަނައް ބިމުގެ ބޭނުން ކުރުމަށް ހަނިމާދޫ ކައުންސިލުން މެދުވެރިވެ ކޮއްފައިވާ ކަންކަމަށް ބަލާލަން ޖެހެއެވެ.
- “ރައްވެހިގެ “، މި މުހިންމު ރައްޔިތުންގެ މާލިއްޔާއަށް ފައިދާ ހުރި އެސްޓް ވަނީ ކުރީގެ ކައުންސިލް ތަމުސީލް ކުރި މަންދޫބަކު އަމިއްލަ ވިޔަފާރިގެ ބޭނުން ކުރުމަށް ދޫ ކޮށް، ކައުންސިލަށް ބޭނުން ނުކުރެވޭ ހާލަތައް މިއަދު އިމާރާތް އައިސްފައެވެ. އަދި އޭގެ އިތުރުން ލައްކައިން ބިލްކުރެވިފައިވާ ޔޫޓިލިޓީ ބިލް ތަކަކާއި ކައުންސިލުން ހަވާލުވާންޖެހިފައެވެ.
- ސަރުކާރުގެ އެއްފަސް ކުރުމުގެ ސިޔާސަތުގެ ދަށުން ދެތިން ރަށެއްގެ ބަޔެއް މިވަނީ އެއްފަސްކުރެވިފައެވެ. މި ގޮތުން ހަތިފުށީ ރައްޔިތުންނަށް ސަރުކާރުގެ ފަރާތުން ބިނާ ކޮއްދެވުނު ރޯހައުސްތަކަށް ބަލާނަމަ، އޭރުގެ ކައުންސިލުން ޕްރޮޖެކްޓް ބެލެހެއްޓުމުގައި އަދި މި މަސައްކަތުގެ ފެންވަރު ހިނގާ ނުހިނގާ ގޮތް ބެލުމުގައި އިހްމާލް ވެފައިވާަކަން އެކި ގޮތް ގޮތުން ފެންނަން އެބަހެއްޓެވެ. މީގެ ހެއްކަކީ ސަރުކާރު ބަޖެޓުން 2019ގައި މި ގެދޮރުގެ ވެރިންނަށް ބައެއް ބަދަލު ދޭން ޖެހުމެވެ.
- “ސިޓީ ހޮޓާ ސަރަހައްދު”، މި ސަރަހައްދުގައި ވަނީ 100،000 އަކަ ފޫޓައްވުރެ ބޮޑު ސަރަހައްދެއް އަހަރު ބިމު ކުލީގެ ގޮތުގައި 100،000 އެމެރިކާ ޑޮލަރު ރަށުގެ މާލިއްޔަތަށް ލިބޭނެހެން 50އަހަރަށް ކުއްޔަ ދެވިފައިކަން ފާހަގަ ކޮއްލަން ޖެހެއެވެ. އަދި ރަށުގެ ބައެއް ފަރާތްތަކުން ބުނާގޮތުން އެގްރިމަންޓުގައި ނުހިމެނޭ އެތައް ހާސް އަކަފޫޓެއް ރަށުގެ މާލިއްޔަތަށް އެއްވެސް ކުއްޔެއް ނުލިބި މިސިޓީ ހޯޓާ ހިންގާ ފަރާތުން ބޭނުން ކުރަމުންދާ ކަމަށެވެ. އަދި ރަށުގެ ގޮނޑުދޮށަކީ އެއްވެސް ފަރާތަކަށް ކުއްޔަށް ދިނުން ޤާނުނު ހުއްދަ ކުރާ ކަމަކަށް ނުވިނަމަވެސް ސިޓީ ހޮޓާ ހިންގާ ސަރަހައްދާއި ދިމާލައްވާ ބީޗް ސަރަހައްދު މި ހޮޓާ ހިންގާ ފަރާތުން އެމީހުންގެ ޕްރައިވެޓް ސަރަހައްދެއްގެ ގޮތުގައިވެސް ބޭނުންކުރަމުން ދާކަމަށެވެ.
މި އަލިއަޅުވާލެވުނު ބައެއް ކަންކަމަށް ބަލާނަމަވެސް ރަށުގެ ކައުންސިލްގެ ބިންތައް ބޭނުން ކުރުމުގައި އިޙްމާލްތަކެއް އެކި ދައުރުތަކުގައިވެފައި ހުރިކަން ހާމަވެއެވެ. ވީމާ އަނެއްކާމެ އިތުރު ބިިންތަކެއް އެއްވެސް ބޭނުމަކަށް ދޫކޮއްލުމުގެ ކުރިން އަދުގެ ކައުންސިލުން ޤާނޫނުގައި ބުނާފަދައިން ރައްޔިތުންގެ މަޝްވަރާގެ މަތިން ވީ އެންމެ އަވަހަށް، ރަށުގެ އިިޙްތިޞޯޞް ހިމެނޭ ސަރަހައްދުގެ މިވަގުތުގެ ލޭންޑް ޔޫސް ޕްލޭނެއް ފައިނަލްކޮށް އޭގެ މައްޗަށް ބިނާކޮށް ތަރައްގީގެ ޕްލޭންއާއި ފީސިބިލިޓީ ހެދުން ވަރަށް މުހިންކަން ފާހަގަކުރެވެއެވެ.
އެއީ ދެކެވޭ ވާހަކައަށްވުރެ ހޯދޭ އިލްމީ ހޯދުންތަކާއި ހިސާބުތަކުން ސަރުކާރުން އިތުރަށް ހޯދަން އެދިފައިވާ ބިމުގެ އަގު އަދި ރަށަށް އޮތް މުހިންމުކަން އެނގިގެން ދާނެތީއެވެ.
