ކުޅުދުއްފުށި ސިޓީން އިތުރު ދެ މީހަކު ކޮވިޑަށް ޕޮޒިޓިވްވެ، ޖުމްލަ އަދަދު 26 އަށް އަރައިފި އެވެ. މިއަދު ޕޮޒިޓިވްވި ދެ މީހުންނަކީ ކޮންޓެކްޓްރޭސިންގެ ތެރެއިން ޕޮޒިޓިވްވި ދެ މީހުންނެވެ.
މިމަހުގެ 24 ވަނަ ދުވަހުން ފެށިގެން މިހާތަނަށް ކުޅުދުއްފުށިން ޖުމްލަ 26 ކޮވިޑް ޕޮޒިޓިވް ކޭސް ފެނިފައިވާއިރު މީގެ ތެރެއިން 8 ކޭސްއަކީ އަލާމަތްތައް ހުރެގެން ފުލޫ އޯޕީޑީ ދެއްކި 8 މީހެއްގެ ސާމްޕަލެވެ.
ކޭއާރުއެޗުން ބުނީ މިއަދު ޕޮޒިޓިވްވި ދެ ކޭސްއާ ގުޅިގެން ކޮންޓެކްޓްރޭސިން މަސައްކަތްކުރަމުންދާ ކަމަށެވެ. މި ކޭސްތަކާ ގުޅިގެން މިވަގުތު ޖުމްލަ 45 ގެއެއް ވަނީ ކަރަންޓީނުކޮށްފަ އެވެ.
