ހދ.ކުޅުދުއްފުށި ސިޓީން އިތުރު 8 މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
ކުޅުދުއްފުށި ރީޖަނަލް ހޮސްޕިޓަލުން ބުނީ ޕޮޒިޓިވްވި ކޭސްތަކުގެ ތެރޭގައި ރެންޑަމްކޮށް ނެގުނު ދެ ސާމްޕަލްއެއް ވެސް ހިމެނޭ ކަމަށެވެ. އެއާއެކު ޖުމްލަ ކޭސްތަކުގެ އަދަދު 42 އަށް އަރާފައިވާ ކަމަށް ހޮސްޕިޓަލުން ބުނެއެވެ.
އަދި މި ދެ ދުވަހު ނެގުނު ސާމްޕަލްތަކުގެ ތެރެއިން އަދި މިހާތަނަށް ނަތީޖާ ނުލިބޭ 94 ސާމްޕަލް އެބައޮތް ކަމަށާއި މި ސާމްޕަލްތަކުގެ ނަތީޖާ މާދަމާ ލިބޭނެ ކަމަށްވެސް ހޮސްޕިޓަލުން ހާމަކުރެއެވެ.
ކޭސްތަކުގެ އަދަދު މައްޗަށް އަރަމުން ދިއުމާއި، ރެންޑަމް ސާމްޕަލް ވެސް ޕޮޒިޓިވްވެފައި ވާތީ ރައްކާތެރިކަމުގެ ފިޔަވަޅުތަކާއެކު އުޅުމަށް ކުޅުދުއްފުށި ހޮސްޕިޓަލުން ވަނީ އިލްތިމާސްކޮށްފައެވެ.
ހުމާއި ރޯގާގެ އަސަރު ހުރެގެން ފުލޫ ސާމްޕަލް ނެގުނު 13 އަހަރުގެ ކުއްޖެއް ޕޮޒިޓިވްވެ ކުޅުދުއްފުށި މިދިޔަ ހޮނިހިރު ދުވަހު ވަނީ މޮނީޓަރިން ހާލަތަށް ގެނެސްފައެވެ. އަދި އެ ރަށުގައި އަންނަނީ ރޭގަނޑު 9 އިން ފަތިހު ހަތަރަކަށް ކާފިއު ވެސް ހިންގަމުންނެވެ.
