މިހާރު ރާއްޖެއަށް ކުރަމުންދާ ވިއްސާރައިގައި މިއަދު ހެނދުނު ކުޅުދުއްފުއްޓަށް ވައިގަދަވެ ގެއެއްގެ ފުރާޅު އެއްލާލައިފި އެވެ. އެއްލާލައިފައިވަނީ ސެންކޯ ގޭގެ ފުރާޅެވެ.
ކޭއޯ ކުޅުދުއްފުށީ މޭޔަރު މުހައްމަދު އާތިފް ހަވާލާދީ “ކޭއޯ”ގައި ބުނެފައިވަނި ފުރާޅު އެއްލާލި ވަގުތު އެހެން ގެއަކަށް ވެސް ގެއްލުންވެފައިވާ ކަމަށެވެ. އެގޮތުން ޓިނު ގަނޑަކުން ޖެހި އެގޭގެ ދޮރެއްގެ ބިއްލޫރިގަނޑު ވަނީ ތެޅިފަ އެވެ.
މޭޔަރު ވިދާޅުވީ މިވަގުތު ގޭގެ ފުރާޅު މަރާމާތު ކުރުމުގެ މަސައްކަތް އެމްއެންޑީއެފުން ކުރަމުންދާ ކަމަށެވެ. ފުރާޅު އެއްލާލައިފައިވަނީ މިއަދު ހެނދުނު 7 ޖަހާކަށް ހާއިރު ކުޅުދުއްފުއްޓަށް ޖެހުނު ގަދަ ވަޔާއެކުގަ އެވެ.
ފޮޓޯ ފަރުޒާނާ
