ޒުވާނުންގެ ދުވަހުގެ މުނާސަބަތުގައި ހަނިމާދޫގައި އެއްދުވަހުގެ ވޮލީ މުބާރާތެއް

ހަނިމާދޫ ޒުވާނުންގެ މަރުކަޒާއި ޑަބްލިޔޫ،ޑީ،ސީއިން ގުޅިގެން ހަނިމާދޫގައި އެއްދުވަހުގެ ވޮލީ މުބާރާތެއް ބާވައިފިއެވެ.

މި މުބާރާތުގައި ބައިވެރިވުމަށް 25 ކުޅުންތެރިން ނަން ނޯޓް ކޮއްފައިވެއެވެ. މި 25 ކުޅުންތެރިން ވަނީ ތިން ޓީމަށްބަހާފައެވެ. ތިން ޓީމަށް ނަން ދީފައިވަނީ ޓީމް 1، ޓީމް 2 އަދި ޓީމް 3 ކެވެ.

އިޝްތިހާރު

މުބާރާތުގެ ފުރަތަމަ މެޗްގައި ބައްދަލުކުރީ ޓީމް 1 އަދި ޓީމް 3 ކެވެ. މި މެޗްގައި ޓީމް 3 ކާމިޔާބު ކުރީ 2 ސެޓް 1 ސެޓް އިންނެވެ. ދެވަނަ މެޗްގައި ބައްދަލުކުރީ ޓީމް 1 އަދި ޓީމް 2 އެކެވެ. މި މެޗްއިން ކާމިޔާބް ކުރީ ޓީމް 1 ކެވެ. އެއީ 2 ސެޓް 0 ސެޓްއިންނެވެ.

ތިންވަނަ މެޗްއިން ބައްދަލު ކުރީ ޓީމް 2 އަދި ޓީމް 3 ކެވެ. މި މެޗްއިން ޓީމް 3 ކާމިޔާބްކުރީ 2 ސެޓް 1 ސެޓް ގެ ނަތީޖާއަކުންނެވެ. މި މެޗް އަށް ފަހު ފައިނަލް ގައި ވާދަކުރީ ޓީމް 1 އަދި ޓީމް 3 ކެވެ. 2 ސެޓް 0 ސެޓްގެ ނަތީޖާއިން ފައިނަލް މެޓްގައި ކާމިޔާބު ކުރީ ޓީމް 3ކެވެ.

ފައިނަލް މެޗަށްފަހު ޑަބްލިޔޫ،ޑީ،ސީއިން ވަނީ މުބާރާތުގައި ކުޅުނު ޓީމްތަކަށް އިނާމް ހަވާލުކޮށްފައެވެ. މުބާރާތް އިންތިޒާމްކޮށް ހިންގުމަށް ހަނިމާދޫ ޒުވާނުންގެ ޖަމިއްޔާ އަދި ސާބަ އެކުވެރި ކުލަބްއިން ވަނީ ވަރަށް ފުރިހަމަ އެއްބާރުލުން ދެއްވާފައެވެ.