ކުޅުދުއްފުށީ ރީޖަނަލް ހޮސްޕިޓަލު (ކޭއާރުއެޗް) ފުލޫ އޯޕީޑީއަށް ދެއްކި މީހަކު މިއަދު ކޯވިޑް-19އަށް ޕޮޒިޓިވްވެއްޖެއެވެ.
ކޭއާރުއެޗްއިން ވިދާޅުވި ގޮތުގައި މި ކޭސްއާ ގުޅިގެން ކޮންޓެކްޓް ޓްރޭސިންގެ މަސައްކަތް މިހާރު ވަނީ ފައްޓަވާފައެވެ. އަދި މި ކޭސްއާ ގުޅިގެން މޮނިޓަރިންއަށް ލުމާމެދު ގޮތެއް ނުނިންމާ ކަމަށް ވެސް ކޭއާރުއެޗްއިން ވިދާޅުވެއެވެ.
ހުމާއި ރޯގާގެ އެއްވެސް ކަހަލަ އަލާމާތެއް ހުރި ކަމުގައި ވާނަމަ ލަސް ނުކުރައްވާ ފުލޫ އޯޕީޑީއަށް ވަޑައިގެން ސާމްޕަލް ނެންގެވުމަށް ނުވަތަ ކޭއާރުއެޗް ގެ ހޮޓްލައިން 7606688 އާ ގުޅުއްވާ ނުވަތަ އެސްއެމްއެސް ކުރެއްވުމަށް ކޭއާރުއެޗްއިން ވަނީ އިލްތިމާސް ކުރަށްވާފައެވެ.
