16 އޯގަސްޓްގައި ޕޮޒިޓިވްވި ކޭސް އާއި ގުޅުންހުރި 4 ފަރާތެއް ކުޅުދުއްފުށި ޕޮޒިޓިވްވެއްޖެއެވެ.
ކުޅުދުއްފުށި ރީޖަނަލް ހޮސްޕިޓަލުން ހާމަކޮފައި ވާގޮތުން ޕޮޒިޓިވް ވެފައިވަނީ 16 އޯގަސްޓްގައި ޕޮޒިޓިވްވި ކޭސް އާއި ގުޅުންހުރި ކޭސްތަކުގެ ކޮންޓެކްޓުންގެ ގޮތުގައި ފާހަގަކުރެވުނު 4 ފަރާތެވެ.
އަދި މީގެ އިތުރުން ހުމާއި ރޯގާގެ އަލާމާތްތައް ހުރުމުން ފުލޫ އޯ.ޕީ.ޑީ އަށް ދެއްކި ނެއްލައިދޫގެ ރައްޔިތެއް ވެސް ވަނީ ފައްސިވެފައިކަމަށް ހޮސްޕިޓަލުން ބުނެއެވެ.
މިވަގުތު ކުޅުދުއްފުށި ސިޓީގައި އެކްޓިވް ކޭސްގެ ޖުމްލައަކީ 20 އެވެ.
ހުމާއި ރޯގާގެ އަލާމާތްތައް ހުރި އެންމެހާ ބޭފުޅުން ލަސް ނުކުރައްވާ ސާމްޕަލް ނެގުމަކީ ބަލި ފެތުރުން ކޮންޓްރޯލު ކުރުމަށް އެޅިގެން ދާނެ ފިޔަވަޅެއް ކަމަށާއި ފުލޫ އޯޕީޑީއަށް ގޮސް ނުވަތަ 7606688 އަށް ގުޅާ ނުވަތަ އެސްއެމްއެސް ކޮށްގެން ސާމްޕަލް ނެގުމުމަށް އެ ހޮސްޕިޓަލުން ވަނީ އިލްތިމާސް ކުރައްވާފައެވެ.
