ރާއްޖެއިން އާއްމުކޮށް ނުފެންނަ ބާވަތެއްގެ ކަމަށްވާ ” ވައިލްޑް އަގުއާނާ” ބޮޑެއް ފެނިގެން ފުލުހުންނާއި ހަވާލުކޮށްފި އެވެ.
މިބޮޑު ފެނިފައިވަނީ މިއަދު މެންދުރު 13:45 ހާއިރު އެމްޕީއެލް ސަރަހައްދުގެ ތެރެއިންނެވެ. އެމްއެންޑީއެފްއިން ބުނީ އާއްމުކޮށް ރާއްޖެއިން ނުފެންނަ ގާތްގަނޑަކަށް ދެ ފޫޓު ހުރި ވައިލްޑް އަގުއާނާ ބޮޑެއް ފެނިގެން އެމްޕީއެލުން ރިޕޯޓު ކުރީ 14:00 ހާއިރު ކަމަަށެވެ.
އެ ރިޕޯޓު ލިބުމާއި ގުޅިގެން އެމްއެންޑީއެފްގެ ކޯސްޓު ގާޑުގެ ސެކަންޑް ސްކުއަޑަރޯންގެ ޕޯޓު އަދި ހާބަރު ސެކިއުރިޓީގެ ބެލުމުގެ ދޮށަށް ރައްކާތެރި ކަމާއިއެކު އެބޮޑު ގެނެވުނު ކަމަށެވެ.
މިހާރު އެބޮޑު ވަނީ ފުލުހުންނާއި ހަވާލުކޮށްފައި ކަމަށްވެސް އެމްއެންޑީއެފްއިން ބުނެއެވެ.
ވައިލްޑް އަގުއާނާ އަކީ ރާޢްޖޭގައި ގެންގުޅުން މަނާ ބާވަތެއްގެ ބޮޑެއްވެސް މެއެެވެ.
