ހަނިމާދޫ ޑަބްލިޔު.ޑީ.ސީއިން ހަނިމާދޫ ސްކޫލް މެނޭޖްމެންޓާ ބައްދަލުކޮށްފިއެވެ.
މި ބައްދަލުވުން ކުރިއަށް ގެންގޮސްފައި ވަނީ ހަނިމާދޫ ސްކޫލްގައެވެ. މިއީ ޑަބްލިޔު.ޑީ.ސީއިން ހަނިމާދޫ ސްކޫލާ މިގޮތަށް ބައްދަލު ކުރި ފުރަތަމަ ފަހަރެވެ.
މިބައްދަލުވުމުގައި މައިގަނޑު ގޮތެއްގައި މަޝްވަރާކޮށް ވާހަކަ ދެކެވުނީ ހަނިމާދޫ ޑަބްލިޔު.ޑީ.ސީއިން ކުރިއަށް ގެންދިއުމަށް ރާވާފައިވާ ކަންތައްތަކާ ގުޅޭގޮތުންނާއި ދެފަރާތް އެކުގައި ކުރެވިދާނެ ކަންތައްތަކުގެ މައްޗަށް ކަމަށް ހަނިމާދޫ ޑަބްލިޔު.ޑީ.ސީ ގެ ރައިސާ ޢާއިޝަތު ޝިއުނީ ވިދާޅުވިއެވެ.
މީގެ އިތުރުން އެކޮމެޓީ އަބަދުވެސް ސްކޫލާ ވަރަށް ގާތުން މަސައްކަތް ކުރާނެކަމަށާ މި ކޮމެޓީގެ ފުރިހަމަ އެއްބާރުލުން ސްކޫލް މެނޭޖްމެންޓަށް ދޭނެކަމުގެ ޔަގީންކަން ދެއްވިންކަމަވެސް ހަނިމާދޫ ޑަބްލިޔު.ޑީ.ސީ ގެ ރައިސާ ޢާއިޝަތު ޝިއުނީ ވިދާޅުވިއެވެ.
ފޮޓޯ: ހަނިމާދޫ ޑަބްލިޔު.ޑީ.ސީ
