ހަނިމާދޫ އެގްރިކަލްޗަރ ސެންޓަރުގެ ބިމުން ބަޔެއް އަނބުރާ ނެގުމާއި އިމާރަތްނުކޮށްހުރި ގެތައް ނެގުމާމެދު ގޮތެއް ނިންމުން ހަނިމާދޫ ކައުންސިލުން 1 ސެޕްޓެމްބަރު 20121 ގައި ބާއްވާ ޖަލްސާއަށް ތާވަލުކޮށްފިއެވެ.
ހަނިމާދޫ ކައުންސިލްގެ 4 ވަނަ ދައުރުގެ 14 ވަނަ ބައްދަލުވުމުގެ އެޖެންޑާގައި 5 ވަނަ ކަމެއްގެ ގޮތުން ތާވަލުކޮށްފައިވަނީ ހަނިމާދޫ އެގްރިކަލްޗަރ ސެންޓަރއަށް 2016 ވަނަ އަހަރު އިތުރުކުރި ބިން އަނބުރާ ކައުންސިލަށް ނެގުމަށާއި ހޮސްޕިޓަލެއް އެޅުމަށް އެ ބިން ހެލްތު މިނިސްޓްރީއަށް ދިނުމަށެވެ. އަދި ހޮސްޕިޓަލު ވަށައިގެން 50 ފޫޓް މަގެއް ހެދޭވަރަށް ބިން ނެގުމާމެދު ގޮތެެއް ނިންމުންވެސް ހިމަނައިފައިވެއެވެ.
އެ ބިން ނަގާނަމަ މުޅި އެގްރިކަލްޗަރ ސެންޓަރު ނަގާނެކަމަށް މިނިސްޓަރ ޑރ ހުސެއިން ރަޝީދު ހަސަން ވަނީ މިމަހު 23 ވަނަ ދުވަހު ހަނިމާދޫ ކައުންސިލާ ބައްދަކުރެއްވިއިރު ވިދާޅުވެފައެވެ.
މީގެ އިތުރުން ހަނިމާދޫ ލާމަރުކަޒީ އުސޫލުން ދޫކޮށްފައިވާ ގެވަޅުތަކުގެތެރޭ އިމާރާތް ނުކުރާ ގޯތިތައް ގޮތެއް ނިންމުމާއި ސާޢާދާ ޕްރީ ސްކޫލަށް އެހީވުމަށް ގޮތެއް ނިމުންވެސް ވަނީ އެ ބައްދަލުވުމަށް ތާވަލުކޮށްފައެވެ.
