ކުޅުދުއްފުށީ ރީޖަނަލް ހޮސްޕިޓަލް (ކޭއާރުއެޗް)އިން ވިދާޅުވި ގޮތުގައި މިފަހަރު ފުރަތަމަ ޕޮޒިޓިވްވީ އެ ހޮސްޕިޓަލްގެ ފުލޫ އޯ.ޕީ.ޑީ އަށް ދެއްކި ބަންގުލަދޭޝްގެ ރައްޔިތެކެވެ.
އެ މީހާ ޕޮޒިޓިވްވުމާއި ގުޅިގެން ނެގުނު ސާމްޕަލްތަކުން އިތުރު 3 މީހަކު ޕޮޒިޓިވްވެފައިވާ ކަމަށް އެ ހޮސްޕިޓަލުން ވިދާޅުވިއެވެ.
އެހެންކަމުން މި ކްލަސްޓާއާއި ގުޅިގެން މިހާތަނަށް 4 މީހަކު ޕޮޒިޓިވްވެފައިވާ ކަމަށް އެ ހޮސްޕިޓަލުން ވިދާޅުވެއެވެ.
އެ ހޮސްޕިޓަލުން ވަނީ ހުމާއި ރޯގާގެ އަލާމާތްތައް ހުރިނަމަ އެ ހޮސްޕިޓަލްގެފުލޫ އޯޕީޑީއަށް ގޮސްގެން ނުވަތަ އެ ހޮސްޕިޓަލްގެ ހޮޓްލައިން 7606688 އަށް ގުޅާ ނުވަތަ އެސްއެމްއެސް ކޮށްގެން ސާމްޕަލް ނެގުމުގެ ކަންތައްތައް ކުރިޔަށް ގެންދިޔުމަަށް ވެސް އެެދިފައެވެ.
ފޮޓޯ: ކޭއާރުއެޗް
