ހދ. ކުޅުދުއްފުށީ ސިޓީގައި ކޯވިޑް ފެސިލިޓީއެއް ގާއިމްކުރުމަށް ކުރަންޖެހޭ މަސައްކަތްތައް ކޮށްދޭނޭ ފަރާތެއް ހޯދުމަށް ކުޅުދުއްފުށީ ރީޖަނަލް ހޮސްޕިޓަލުން އިޢުލާން ކޮށްފިއެވެ.
މިކަމާއި ގުޅިގެން އެ ހޮސްޕިޓަލުން 02 ސެޕްޓެމްބަރ 2021 ގައި ކޮށްފައިވާ އިޢުލާނުގައި ވިދާޅުވެފައިވަނީ އެ ސިޓީގައި ކޯވިޑް ބަލިމީހުންނަށް ފަރުވާ ދިނުމަށްޓަކައި، ކޯވިޑް ފެސިލިޓީއެއް ޤާއިމު ކުރުމަށް ސަރުކާރުން ނިންމާފައިވާތީ މިހާރު ފުލޫކުލިނިކެއްގެ ގޮތުގައި ބޭނުންކުރަމުން އަންނަ ލޯކަލް މާރުކޭޓު އިމާރާތަށް ގެންނަށްޖެހޭ ބަދަލުތަށް ގެންނަށް ބޭނުންވާކަމަށެވެ.
މި މަސައްކަތް ކޮށްދިނުމަށް ޝައުޤުވެރިވާ ފަރާތްތަކުން ގެޒެޓް ކުރެވިފައިވާ ރެޖިސްޓްރޭޝަން ޝީޓް ފުރުއްވުމަށްފަހު 2 ސެޕްޓެންބަރު 2021 ވާ ބުރާސްފަތި ދުވަހުން ފެށިގެން 13 ސެޕްޓެންބަރު 2021 ވާ ހޯމަ ދުވަހުގެ ދުވަހުގެ 13:30 ގެ ކުރިން maintenance@krh.gov.mv އަށް އީމެއިލް ކުރެއްވުމަށް އެ ހޮސްޕިޓަލުން ވަނީ އެދިލައްވާފައެވެ.
މީގެއިތުރުން މި އިއުލާނާއި ގުޅޭ މައުލޫމާތު ކަރުދާހުގެ ސޮފްޓް ފައިލް ރަޖިސްޓްރީ ކުރައްވާ ފަރާތްތަކަށް އީ މެއިލް މެދުވެރިކޮށް ފޮނުވުމަށް ހަމަޖެހިފައިވާކަމުގައި އެ ހޮސްޕިޓަލުން ވަނީ ހާމަކޮށްފައެވެ.
މި މަސައްކަތާއި ގުޅޭ މަޢުލޫމާތު ސާފުކުރުން 4 ސެޕްޓެންބަރު 2021 ވާ އަންގާރަ ދުވަހުގެ 10:30 ގައި ކުރިއަށް ގެންދިޔުމަށް ހަމަޖެހިފައިވާއިރު، އަންދާސީ ހިސާބު ހުށަހެޅުމަށް ކަނޑައަޅާފައި ވަނީ 22 ސެޕްޓެންބަރު 2021 ވާ ބުދަ ދުވަހުގެ 10:30 އެވެ.
ރަޖިސްޓްރީ ކުރައްވާފައިނުވާ ފަރާތްތަކަށް އަންދާސީ ހިސާބު ހުށަހެޅުމުގެ ފުރުޞަތު ނުދިނުމަށް އެ ހޮސްޕިޓަލުން ވަނީ ނިންމާފައެވެ.
