ޕޮލިސް ޑޭ ފާހަކަކުރުމުގެ ގޮތުން ހަނިމާދޫ ޕޮލިސް ސްޓޭޝަނާއި ހަނިމާދޫ ފެނަކަ އެކުވެރިކަމުގެ ވޮލީ މެޗެއް ކުޅެފިއެވެ. މިމެޗު ކުޅެފައިވަނީ މިރޭ ހަނިމާދޫ އިޖްތިމާއީ މަރުކަޒުގެ ވޮލީ ކޯޓުގައެވެ.
މިރޭ ކުޅެވުނު އެކުވެރި ކަމުގެ މިމެޗު 3 ސެޓް 2 ސެޓުން ކާމިޔާބުކުރީ ހަނިމާދޫ ފުލުހުންގެ ޓީމެވެ.
ފުރަތަމަ ސެޓް ފުލުހުންގެ ޓީމް ކާމިޔާބުކުރީ 27 : 29 ން، ކާމިޔާބު ކުރި އިރު ދެވަސެޓް ކާމިޔާބުކުރީ ފެނަކައެވެ. އެއީ 25 : 23 ންނެވެ.
ތިންވަސެޓް 22: 25 ފުލުހުން ކާމިޔާބުކުރިއިރު 25 : 15 ން، ހަތަރުވަނަ ސެޓް ގެންދިޔައީ ފެނަކައެވެ.
2 ސެޓް ދެސެޓް އެއްވަރުވެ ގަދަހިފުމަކަށް ގޮސް ކުޅެވުނު 5 ވަނަ ސެޓް ފަސޭހަ ކަމާއެކު ފުލުހުންގެ ޓީމް ކާމިޔާބު ކުރީ 15 : 9 ންނެވެ.
މިމެޗު ފުރަތަމަ ރެފްރީ އަކަށް ހުރީ ހަނިމާދޫ ކައުންސިލްގެ ރައީސް އަބްދުލް ސައްތާރު ހަސަނެވެ. ދެވަނަ ރެފްރީއަކަށް ހުރީ ހަސަން ޒިޔާދު ( އަކޫ) އެވެ. ލައިސްމަންކަން ކޮށްދެއްވާފައިވަނީ ސާދުނާ މުހައްމަދު އާއި ހަނިމާދޫ ޑަބްލިއު ޑީސީ މެންބަރު ފާތުމަތު އަހުމަދެވެ.
