އައްޑޫ ސިޓީގައި މިއަދު މެންދުރު ހިނގި މާރާމާރީގައި އަނިޔާވި ޒުވާނާ އިތުރު ފަރުވާ އަށް މާލެ ގެންދަން ނިންމައިފިއެވެ.
މިއަދު މެންދުރު ހިތަދޫ ފްލެޓެއްގެ ތެރޭގައި ހިނގި އެ މާރާމާރީގައި އަނިޔާވެފައިވަނީ އުމުރުން 29 އަހަރުގެ ފިރިހެނަކަށެވެ.
އައްޑޫ ހޮސްޕިޓަލުން ބުނީ އެ މާރާމާރީގައި އެ ޒުވާނާގެ ބޮލަށް ސީރިއަސް އަނިޔާތަކެއް ލިބިފައިވާތީ އާސަންދައިގެ ދަށުން މާލެ ފުރުވާލުމަށް މިހާރު މަސައްކަތް ކުރަމުންދާ ކަމަށެވެ.
އެ މާރާމާރީއާ ގުޅިގެން އަދި މީހަކު ހައްޔަރުކޮށްފައެއްނުވެ އެވެ. އެމީހާ ހަމަލާދިނީ ކީއްވެކަމެއް ވެސް އަދި ސާފެއްނުވެ އެވެ.
