ހދ. ނެއްލައިދޫ ރަސްމީ ފުޓްބޯޅަ ދަނޑުގެ ވަށާފާރު ރޭނުމަށްޓަކައި މިހާރު ހުރި ބާވެ، ހަލާކުވެފައިވާ ވަށާފާރު ނެގުމުގެ މަސައްކަތް އެމްޓީސީސީން ކޮށްދޭން ފަށައިފި އެވެ.
މިއީ އެ ކުންފުނީގެ އިޖުތިމާއީ ޒިންމާގެ ދަށުން ކުރަމުން އަންނަ މަސައްކަތެކެވެ.
އެމްޓީސީސީއަކީ މުޖުތަމައުއަށް ފައިދާވާ ގިނަ ކަންކަމެއް އެ ކުންފުނީގެ އިޖުތިމާއީ ޒިންމާގެ ދަށުން ކުރަމުން އަންނަ ނަމޫނާ ކުންފުންޏެކެވެ.
އެގޮތުން އެކުންފުނިން ދަނީ ށ. ބިލެތްފަހި ކުނިގޮނޑަށް ދާން އޮންނަ މަގު ސާފުކޮށްދީ ލެވެލް ކުރުމުގެ މަސައްކަތް ކޮށްދެމުންނެވެ. އެ މަސައްކަތުގެ ދަށުން ވިއްސާރަ މޫސުމުގައި ފެންބޮޑުވާ ދިމަދިމާލަށް ވެލިއަޅައި ދިނުމުގެ މަސައްކަތްވެސް ކޮށްދޭނެ އެވެ.
އޭގެ އިތުރުން ލ. މުންޑޫގައި ސުނާމީގައި ވެއްޓުނު ގެތަކާއި ގާތަށް ނަގައި ސާފުކޮށްދީފައިވާ އިރު، ދާންދޫގައި އަލަށް އާބާދުވާ ސަރަހައްދުގެ މަގުތައް ލަވެލްކޮށްދީ ސާފުކޮށްދިނުމުގެ މަސައްކަތްވެސް އެކުންފުނިން ދަނީ ކުރަމުންނެވެ.
