އއ ބޮޑުފޮޅުދޫ ކައުންސިލުން އެރަށުގެ ރައްޔިތުންނާއި ގާތުން ފަސޭހަކޮށް ޙިދުމަތް ދިނުމަށްޓަކައި ތައްޔާރުކުރި ރަށްވެހި އެޕްލިކޭޝަން ތަޢާރަފްކޮށްފި އެވެ.
ސެޕްޓެމްބަރ 18 ވަނަ ފުވަހު ބޭއްވި ރަސްމިއްޔާތުގައި ބޮޑުފޮޅުދޫ ރަށްވެހި އެޕްލިކޭޝަން އާއި ލޯގޯ ތަޢާރަފް ކޮށްދީފައި ވަނީ އަރިއަތޮޅު އުތުރުބުރި ކައުންސިލްގެ ނައިބްރައީސް އަޙްމަދު އަސްލަމް އެވެ.
މި އެޕްލިކޭސަންގެ މަގުސަދަކީ ބޮޑުފޮޅުދޫ ކައުންސިލްގެ މައިގަނޑު އެއް ސިޔާސަތަކީ އަޚުވަންތަ ވެރިންކަމަށް ވީހިނދު މައިގަނޑު އެއް އަމާޒަކީ ރައްޔިތުންނާއި ގާތުން ޚިދުމަތް ފޯރުކޮށްދިނުން ކަމަށް ވީއިރު، މި އެޕްލިކޭޝަން އަކީ މިއަމާޒަށް ވާސިލްވުމަށް ، ފުރުތަމަ ރަސްމީ 100 ދުވަހުގެ ތެރޭގައި ހިމެނި ތައާރަފު ކުރެވިފައިވާ އެޕްލިކޭޝަން އެވެ.
މިއެޕްލިކޭޝަން ގެ ސަބަބުން ރައްޔިތުންނަށް ކައުންސިލަށް ތަފާތު ކަންކަމާއި ގުޅިގެން ދައްކަން ޖެހޭ ކުއްޔަށްވާ ފައިސާ އަދި އެކި ޚިދްމަތްތަކަށް ދައްކަންވާ ފީ ދެއްކުމަށާއި އެކި އެކި ކަންކަމާއި ގުޅިގެން ޝަކުވާ ހުށައެޅުމަށް ފަސޭހަތަކެއް ވެގެން ދާނެ ކަމަށް ބޮޑުފޮޅުދޫ ކައުންސިލުން މައުލޫމަތުދެއެވެ.
