ހަނިމާދޫ ޔޫތު ސެންޓަރުގެ މަރާމާތުގެ މަސައްކަތް މިނެޓު ކޮންސްޓްރަކްޝަން އާއި ހަވާލު ކޮށްފިއެވެ.
މި މަސައްކަތް މިނެޓު ކޮންސްޓްރަކްޝަން އާއި ހަވާލު ކޮށްފައި ވަނީ 12 ދުވަހުގެ ތެރޭގައި މަސައްކަތް ނިންމާގޮތަށް، އެކާވިސްހާސް ފައްސަތޭކަ ރުފިޔާއަށެވެ.
މި މަސައްކަތުގެ އެއްބަސްވުމުގައި ސޮއި ކޮށްފައިވަނީ މިކަމަށްޓަކައި އިއްޔެ ހަނިމާދޫ ކައުންސިލްގައި ބޭއްވުނު ޚާއްސަ ރަސްމިއްޔާތެއްގައެވެ. މި އެއްބަސްވުމުގައި ހަނިމާދޫ ކައުންސިލްގެ ފަރާތުން ސޮއި ކުރެއްވީ ކައުންސިލްގެ ނައިބު ރައީސް ފިރާޤް މުހައްމަދެވެ. މިނެޓު ކޮންސްޓްރަކްޝަންގެ ފަރާތުން ސޮއިކުރެއްވީ އާދަން އިބްރާހިމް އެވެ.
