ހަނިމާދޫ ޑަބްލިއު.ޑީ.ސީގެ ފަރާތުން ހިންގި ކައްކަން ދަސްކޮށްދޭ ކޯސް ނިމުން ފާހަގަކޮށްފިއެވެ. މި ކޯސް ހިންގާފައި ވަނީ 26 ސެޕްޓެމްބަރ ން 5 އޮކްޓޯބަރ ނިޔަލަށެވެ.
މި ކޯހަކީ ހަނިމާދޫ އަންހެނުންގެ ތަރައްގީއަށް މަސައްކަތްކުރާ ކޮމެޓިއާއި ޖުވޭރިޔާ ވަޖުދީ (ޖުވޭ) ގުޅިގެން ކުރިއަށް ގެންދިޔަ ކޯހެކެވެ. މި ކޯހުގެ އެންމެހާ ހަރަދުތައް ބެލެހެއްޓީ ހަނިމާދޫ ޑަބްލިއު.ޑީ.ސީގެ ބަޖެޓުންނެވެ.
މި ކޯސް މުޅިޖުމުލަ 103 ބައިވެރިން ފުރިހަަމަ ކޮށްފައިވެއެވެ. ރޭގެ ހަފްލާގައިވަނީ ބައިވެރިންނަށާއި އަދި ކޯސް ހިންގެވުމުގައި އިސްކޮށް ހަރަކާތް ތެރިވި ފަރާތްތަކަށާއި ކޯސް ހިންގަން އެހީތެރިވެދެއްވި ފަރާތްތަކަށް ހަނދާނީ ލިޔުން ހަވާލު ކޮށްފައެވެ.
