އދ.ދަނގެތީ މަޙްމޫދު އަބޫބަކުުރު މަރައިލި މައްސަލައިގައި ހައްޔަރުކޮށްފައިވާ މީހާގެ ބަންދަށް 15 ދުވަސް ޖަހައިފިއެވެ.
މަޙްމޫދު އަބޫބަކުުރު މަރައިލި މައްސަލައާއި ގުޅިގެން ކޯޓު ޢަމުރެއްގެ ދަށުން ބިދޭސީއަކު ހައްޔަރުކުރީ އިއްޔެ ހަވީރު 16:00 ހާއިރުއެވެ.
އޭނާގެ ބަންދާމެދު ގޮތެއް ނިންމަން ދަނގެތީ ކޯޓަށް ހާޒިރުކުރުމުން ބަންދަށް ވަނީ 15 ދުވަސް ޖަހާފައެވެ.
ދަނގެތީގެ ވިޔަފާރިވެރިއެއްކަމަށްވާ ޢުމުރުން 57 އަހަރުގެ މަޙްމޫދު އަބޫބަކުުރުގެ މަރާއި ގުޅިގެން އިއްޔެ ވަނީ ދަނގެތީ ’ނެދުންގެ“ ބަލައި ފާސްކޮށްފައެވެ. އެ ގެއަކީ ދުވަސްވީ މީހަކު އުޅެމުންދާ ގެއެކެވެ. ހައްޔަރުކޮށްފައިވާ ބިދޭސީ މީހާ ސާލިމަކީ މި ދުވަސްވީ މީހާ ބަލަހައްޓަން ގެނެސްފައި ހުންނަ މީހެކެވެ.
