ށ.ފުނަދޫ ޔުނިޓީ ސްޕޯޓްސް އެކަޑަމީއިން ފުޓްބޯޅަ ޓޯނަމެންޓް 2021 ފަށައިފިއެވެ.
އިއްޔެ ހަވީރު ފެށި މިމުބާރާތް ފައްޓަވައި ދެއްވީ ފުނަދޫ އެ ދަރިޔަކަށް ފަހުރުވެރިވާ ގައުމީ ޓީމް ކުޅުންތެރިޔާ އިބުރާހިމް ހައިޝަމް ގެ އިތުރުން ގައުމީ އެތިލީޓް އަޙްމަދު ހަސަނެވެ. މި ހަފުލާގައި ށ.އަތޮޅު ކައުންސިލްގެ ރައީސްގެ އިތުރުން އެރަށުގެ ހުރިހާ މުއައްސަސާތަކުން ވަނީ ބައިވެރި ވެފަަައެވެ.
ޔުނިޓީ ސްޕޯޓްސް އެކަޑަމީއިން ފުޓްބޯޅަ ޓޯނަމެންޓް 2021 އާ ގުޅޭގޮތުން ގޮށްކޮޅަށް މައުލޫމާތު ހިއްސާ ކުރައްވަމުން ފުނަދޫ ޔުނިޓީ ސްޕޯޓްސް އެކަޑަމީގެ މުއައްސިސް ހުސައިން އަރީފް (ޔޫކޭ) ވިދާޅުވީ މުބާރާތް ކުރިއަށް ދަނީ 5 އުމުރު ފުރާއަކަށް ބަހާލައިގެން ކަމަށާއި އެއީ ފިރިހެން 3 އުމުރުފުރައަކާއި އަންހެން 2 އުމުރުފުރައަކަށް ކަމަށް ޔޫކޭ ވިދާޅުވިއެވެ.
އިތުރަށް ވާހަކަ ކުރިއަށް ގެންދަވަމުން ޔޫކޭ ވިދާޅުވީ ގުރޫޕް އުސޫލުން ކުޅެ އެއްވަނަ ދެވަނަ ފައިނަލް ކުޅޭ ގޮތަށް ކުޅޭ މި މިބާރާތުގެ ފައިނަލް 23 ވަނަ ދުވަހު ކުޅެ ނިންމާލެވޭނެ ކަމަށްވެސް ޔޫކޭ ވިދާޅުވިއެވެ.
ޔުނިޓީ ސްޕޯޓްސް އެކަޑަމީ ވުޖޫދަށް އައިސްފައި ވަނީ 24 ނޮވެމްބަރު 2020 ވަނަ ދުވަހުއެވެ. މިއީ ށ. ފުނަދޫގައި ހިންގާ ފުރަތަމަ އެކަޑަމީ އެވެ.
ފޮޓޯ : ޔުނިޓީ ސްޕޯޓްސް އެކަޑަމީ
