އދ. ދަނގެތީގައި މިދިޔަ ބުރާސްފަތި ދުވަހު ރަހުމްކުޑަ ގޮތަކަށް މަރާލާފައި އޮއްވާ ފެނުުނު މަހުމޫދު އަބޫބަކުރުގެ ފޯނު ފުލުހުން ހޯދައިފި އެވެ.
މައުލޫމާތު ލިބިފައި ވާގޮތުގައި މަހުމޫދުގެ މަރުގެ ތަހުގީގަށް މިހާތަނަށް ފުލުހުން ވަނީ ބޮޑެތި ކުރިއެރުންތަކެއް ހޯދާފައެވެ. އެގޮތުން މަހުމޫދު މަރާލި ގާތިލު އެރޭ ލައިގެން ހުރި އަންނައުނާއި، މަހުމޫދުގެ ފޯނުގެ އިތުރުންވެސް ގިނަ ހެކިތަކެއް ފުލުހުން ވަނީ ހޯދާފައެވެ. އެހެން ނަމަވެސް މިކަމާއި ގުޅިގެން އަދި މިހާތަނަށް ފުލުހުން ވަކި އެއްޗެއް ހާމަކޮށްފައި ނުވެއެވެ.
މަހުމޫދު މަރާލި މައްސަލަ އާއި ގުޅިގެން ފުލުހުން ވަނީ، މުޙައްމަދު ސާލިމް ނަމަކަށް ކިޔާ ބިދޭސީ އަކު މިމަހުގެ 16 ވަނަ ދުވަހު ހައްޔަރު ކޮށްފައެވެ.
ފުލުހުން ވަނީ ސާލިމް އާއި އެކު މަހުމޫދު މަރާލާފައި އޮތް ހިސާބުގައި ގިނަ އިރުތަކެއް ވަންދެން ހަރަކާތްތެރި ވެފައެވެ. އަދި މަހިބަދޫ ޕޮލިސް ސްޓޭޝަނަށް ސާލިމް ބަދަލު ކުރުމުގެ ކުރިން ފުލުހުން ވަނީ ސާލިމް ދިރިއުޅޭ ގެއަށް އޭނާ ގެންގޮސް، އޭނާ ޢަމަލުކުރި ގޮތް ވެސް ކުޅުވައިފައެވެ. އޭގެ އިތުރުން މަޙްމޫދު މަރާލައިފައި ވައްޓާލައިފައި އޮތް ވަޅު ކައިރިއަށް ވެސް ގެންދިޔައެވެ.
