ކ. ގުރައިދޫ ބިން ހިއްކުމުގެ މަޝްރޫއު ނިންމާލައިފި އެވެ.
ސަރުކާރުގެ މައި ކޮންސްޓްރަކްޝަން ކުންފުނި، އެމްޓީސީސީއަށް ގުރައިދޫ ބިން ހިއްކުމާއި ގޮނޑުދޮށް ހިމާޔަތްކުރުމުގެ މަސައްކަތް ހަވާލުކޮށްފައި ވަނީ އޮގަސްޓް 27، 2019 ގައެވެ. މިއީ 85 މިލިއަން ރުފިޔާގެ މަޝްރޫއެކެވެ.
އެމްޓީސީސީން މިއަދު ބުނީ އެ މަޝްރޫއުގެ މަސައްކަތް މިދިޔަ ސެޕްޓެމްބަރު މަހުގެ 27 ވަނަ ދުވަހު ނިންމާލާފައިވާ ކަމަށެވެ. އެގޮތުން ޖުމުލަ 15 ހެކްޓަރުގެ ބިން ހިއްކާފައިވާ އިރު، 1200 މީޓަރުގެ ސަރަހައްދެއްގައި ބޮޑުހިލައިން ރިވެޓްމެންޓް ޖެހުމުގެ މަސައްކަތް ކޮށްފައިވާ ކަމަށް ބުންޏެވެ.
ގުރައިދޫގެ މިހާރުގެ ބިމުގެ ބޮޑުމިނަކީ 21 ހެކްޓަރެވެ. އަދި އަލަށް ހިއްކި ބިމާއެކު އެރަށުގެ ޖުމުލަ ބޮޑުމިން މިހާރު 36 ހެކްޓަރަށް އިތުރުވާނެ އެވެ.
