ހަނިމާދޫ ފުޓްސެލް ޗެލެންޖް 2021 ފަށައިފިއެވެ. މި މުބާރާތް ފަށާފައިވަނީ އިއްޔެގެ ހަވީރު އެވެ. ހަވީރު 2 މެޗު އަދި ރޭގަނޑު 2 މެޗު ކުޅެފައިވެއެވެ.
މުބާރާތް ހުޅުވި މެޗުގައި ބައްދަލު ކުރީ ޝިލްޑް އަދި އަހުލީ ވަން އެވެ. މިމެޗު 9 ލަނޑު 6 ލަނޑުން ކާމިޔާބުކުރީ ޝީލްޑް އެވެ. ދެވަނަޔަށް ކުޅެފައިވަނީ އަންހެން ޑިވިޝަންގެ މެޗެކެވެ. ބައްދަލު ކުރީ ޕެންތާސް އާއި ބީޗް ގާރލްސް އެވެ. ސީދާ 3 ލަނޑުން ކާމިޔާބު ކުރީ ބީޗް ގާރލްސް އެވެ.
ތިން ވަނަ އަދި ހަތަރު ވަނަ މެޗު ކުޅެފައި ވަނީ ރޭގަނޑު އެވެ. ތިންވަނަމެޗުގައި ޔޫތު ފްރެންޑްސް އާއި ރޫހް އެކްސްޕުރެސް ވާދަކުރިއިރު މެޗު 3 ލަނޑު 1 ލަނޑުންބކާމިޔާބުކުރީ ރޫހް އެކްސްޕުރެސް އެވެ. ހަތަރުވަނަ މެޗުގައި އަހުލީ ޓޫ އާއި ރޫހް މައިކްރޯ ވާދަކުރިއިރު މެޗު ނިމުނީ 4 ލަނޑު 4 ލަނޑުން އެއްވަރު ވެގެންނެވެ.
މިއަދުވެސް މި މުބާރާތުގެ 4 މެޗެއް ކުޅެން ވަނީ ހަމަޖެހިފައެވެ. 16:00 ގައި ފުރަތަ މެޗުގައި ވާދަކުރާނީ ޝީލްޑް ބީ އާއި ތާރޓީ ޕުލަސް އެވެ. 17:00 ގައި ދެވަނަ މެޗުގައި ވާދަކުރާނީ ހަނިމާދޫ ސިއްހީ މަރުކަޒު އާއި ގެލެކްސީ ގާރލްސް އެވެ. މިއީ އަންހެން ޑިވިޝަންގެ މެޗެކެވެ. މިރޭ 20:00 ތިންވަނަ މެޗުގައި ވާދަކުރާނީ ޔުނީފޯމް އާއި ރޫހް އެކްސްޕުރެސް އެވެ. 21:00 ގައި ހަތަރުވަނަ މެޗުގައި ވާދަކުރާނީ ޓީމް މުގުރު އަދި ރޫހް މައިކްރޯ އެވެ.
މި ހުރިހާ މެޗެއްވެސް ގޮށްކޮޅުގެ ފޭސްބުކް ޕޭޖުން ލައިވް ކުރަން ވަނީ ހަމަޖެހިފަ އެވެ.
ފޮޓޯ : ހަނިމާދޫ ޒުވާނުންގެ މަރުކަޒު
