ޝީލްޑް ބީ ކޮޅަށް ލަނޑު ގޯންޏެއް އޮއްސާލިއިރު މޫސުން ގޯސްވެގެން އަންހެން ޑިވިޝަން މެޗު ހުއްޓާލަން ޖެހިއްޖެއެވެ.
ހަނިމާދޫ ފުޓްސެލް ޗެލެންޖް 2021 މިއަދު ހަވީރު ކުޅުނު ފިރިހެން ޑިވިޝަން މެޗުގައި ވާދަކުރީ ޝީލްޑް ބީ އާއި ތާރޓީ ޕުލަސް އެވެ. އެ މެޗު ފެށި ގޮތަށް ފުރަތަމަ މިނެޓް ތެރޭ ތާރޓީ ޕުލަސް ވަނީ އެމީހުންގެ ފުރަތަމަ ލަނޑު ޖަހާފައެވެ. އެއާއެކު ފުރަތަމަ ހާފު ނިންމާލީ 6 ލަނޑު 0 ލަނޑުނެވެ. ދެވަނަ ހާފުގައި ކުޅެން އަރާ ތާރޓީ ޕުލަސް ވަނި އިތުރު 5 ލަނޑު ފަސޭހަ ކަމާއެކު ކާމިޔާބު ކޮށްފައެވެ.
ތާރޓީ ޕުލަސް ގެ ލަނޑުތައް ޖަހާދިނި މުހައްމަދު ހަސަން، އަހުމަދު ސަމާހު، އަހްމަދު އަސްރަފް، އަބުދުލް ﷲ އަލީ ، އަހުމަދު ހަމީމު، އަދި އާދަމް އިބުރާހިމް އެވެ.
އާދަމް އިބުރާހިމް އަދި އަހްމަދު އަސްރަފް ވަނީ 3 ގޯލް ކާމިޔާބު ކޮށްފައެވެ. މުހައްމަދު ހަސަން 2 ލަނޑު ޖެހިއިރު ދެން ކޮންމެ ކުޅުންތެރިއެއް ވަނީ ލަނޑެއް ކާމިޔާބު ކޮށްފައެވެ.
މި މެޗުގެ މޮޅުކުޅުންތެރިއަކަށް ހޮވުނީ ޓީމް ތާރޓީ ޕުލަސް ގެ ޖަރޒީ ނަންބަރު 20 އާދަމް އިބުރާހިމް އެވެ.
އަންހެން ޑިވިޝަންގެ މެޗު ފަށައިގެން 8 މިނެޓް ކުޅެވުނު ތަނާހެން ވިއްސާރަ ވެހެން ފެށުމުން މެޗު ވަނީ ހުއްޓާލާފައެވެ. އޭރު 2 ލަނޑު 1 ލަނޑުން ކުރީގައި އޮތީ ގެލެކްސީ ގާރލްސް އެވެ. ހަނިމާދޫ ސިއްހީ މަރުކަޒުގެ ލަނޑު ޖަހައިދިނީ އާމިނަތު ޢަލީ އެވެ. ގެލެކްސީ ގާރލްސް 2 ލަނޑު ކާމިޔާބުކޮށްދިނީ އައިސަތު ރީސާ އެވެ.
މި މެޗުގެ މާދަމާ ފުރަތަމް މެޗުގެ ގޮތުގައި ކުޅުމަން މިހާރު ތާވަލް ކޮށްފައިވާއިރު މިރޭގެ މެޗްތައް ވެސް ވަނީ މިހާރު ފަސްކޮފައެވެ. އަދި ޝެޑިއުލަށް ގެނެވޭ ބަދަލުތައް ޓީމް ތަކުގެ މެނޭޖަރުންނާއި ހިއްސާ ކުރާނެކަމަށް މުބާރާތް އިންތިޒާމް ކުރާ ހަނިމާދޫ ޒުވާނުންގެ މަރުކަޒުން މައުލޫމާތު ދެއްވައެވެ.
