ދިވެހި ސަރުކާރުން ލޯނެއް ހޯދުމަށް ބަންގްލަދޭޝް ސަރުކާރުގެ ކިބައިން އެދިއްޖެއެވެ.
މިކަމާއި ގުޅިގެން ބަންގްލަދޭޝްގެ ނޫހެއްގައި ބުނެފައިވަނީ، ދިވެހި ސަރުކާރުން ދިގު މުއްދަތެއްގެ ލޯނެއް ހޯދުމަށް އެދިފައި ވާކަމަށެވެ.
ބަންގްލަދޭޝްގެ މަރުކަޒީ ބޭންކުގެ ގަވަރުނަރު، ފަޒްލީ ކަބީރާ މިކަމާއި ގުޅިގެން ބުނީ ދިވެހި ސަރުކާރުން ލޯނު ހޯދަން އެދުމުން އެކަމުގެ މަޝްވަރާތައް ކުރެވެން ފަށާފައި ވާކަމަށާއި، ލޯނު ދިނުމާއި މެދު ވިސްނަމުން އަންނަ ކަމަށެވެ.
މި ލޯނާއި ބެހޭ އިތުރު ތަފްސީލްއެއް އަދި އެއްވެސް ގައުމަކުން ހާމަ ކޮށްފައި ނުވެއެވެ. އެހެން ނަމަވެސް ދާދި ފަހުން ރާއްޖޭގެ ނައިބު ރައީސް ފައިސަލް ނަސީމް ވަނީ، މިދިޔަ މަހުގެ ތެރޭ ބަންގްލަދޭޝަށް ރަސްމީ ދަތުރުފުޅެއް ކުރައްވައިފައެވެ.
