ހަނިމާދޫގެ ސިއްހީމަރުކަޒުން ކޮވިޑް 19ގެ ހާލަތު އަންގައިދޭ ރަށުހާލު.ކޮމް ހާލުގައި ޖެހި މައުލޫމާތުތައް ލިބުމުގައި ދަތިތަކާ ދިމާވެއްޖެއެވެ.
24 މެއި 2021 ވަނަދުވަހު އާންމުންނަށް ހުޅުވާލި އެ ވެބްސައިޓުން ލިބުނު މައުލޫމާތުތަކުގެ ތެރޭގައި އެކްޓިވް ކޭސްތަކާއި ޕޮޒިޓިވް ވީ އަދަދު އަދި ވެކްސިންދެވުނު އަދަދުވެސް ފެންނަން ހުއްޓެވެ. އަދި ކަރަންޓީން ކުރެވޭ ގޭގެ ނަންތައް ފެންނަން ހުއްޓެވެ.
ނަމަވެސް ވެބްސައިޓް ޑައުންވެފައި ހުއްޓާ ހަނިމާދޫން ކޮވިޑް ކޭސްތަކެއް އިއްޔެއާއި މިއަދު ފެނިފައިވާއިރު އެފަރާތަކަކީ ކޮންގެއެއްގެ ބައެއްކަމެއް ނުވަތަ ކޮން އޮފީހެއްގެ ބައެއްކަން ސާފުނުވާތީ ހަނިމާދޫ ގިނަ ރައްޔިތުން ދަނީ އެކަމާ ހިތްހަމަ ނުޖެހުން ފާޅުކުރަމުންނެވެ.
