ހަނިމާދޫން ކޮވިޑް 19 އަށް 17 ފަރާތެއް ޕޮޒިޓިވް ވެއްޖެއެވެ.
ހަނިމާދޫން ފުރަތަމަ ކޮވިޑް 19 ކޭހެއް ފެނުނީ މިމަހުގެ ހަވަނަ ދުވަހުއެވެ. އެއީ ކެފޭއެއްގައި މަސައްކަތް ކުރާ ފަރާތެކެވެ. އެ ކޭހާ ގުޅިގެން ނެގުނު ސާމްޕަލް ތަކުގެ ތެރެއިން ޑައިރެކްޓް ކޮންޓެކްޓުންގެ 5 ސާމްޕަލާއި ރޯގާގެ އަލާމާތް ހުރެގެން ނެގުނު ސާމްޕަލެއް ވަނީ ޕޮޒިޓިވް ވެފައެވެ.
އެޔާއެކު ހަނިމާދޫގައި ކުރިއަށްދާ އާދަމް ސަލީމް ކަޕް 2021 ވަނީ މެދު ކަނޑާލާފައެވެ. ސަބަބަކަށްވީ އެ މުބާރާތުގެ ކުޅުންތެރިޔަކު ޕޮޒިޓިވް ވުމާގުޅިގެންނެވެ. އެޔާއެކު 6 ވަނަދުވަހު މެޗު ކުޅުނު ކުޅުންތެރިން ކަރަންޓީންވިއެވެ.
އެ ކުޅުންތެރިން ހިމެނޭހެން ނެގި ސާމްޕަލް ތަކުގެ ތެރެއިން 10 ސާމްޕަލެއް މިރޭ ވަނީ ޕޮޒިޓިވް ވެފައެވެ. އެއީ ރޫހް ގެ ތިން ކުޅުންތެރިން އަދި ޝީލްޑް ގެ 6 ފަރާތެކެވެ. މީގެއިތުރުން ރޯގާގެ އަލާމާތް ހުރެގެން ނެގުނު ސާމްޕަލެއް ހިމެނެއެވެ.
17 ފަރާތެއް ޕޮޒިޓިވް ވެފައިވާއިރު ކަރަންޓީން ކުރެވޭ ތަންތަނުގެ މައުލޫމާތު ކަމާގުޅޭ އިދާރާތަކުން ހާމަ ނުކުރާތީ ހަނިމާދޫގެ ގިނަ ރައްޔިތުން ދަނީ އެކަމާ ނުރުހުން ފާޅު ކުރަމުންނެވެ.
