ހަނިމާދޫން ދެ ދަރިވަރުން ކޮވިޑް 19އަށް ޕޮޒިޓިވްވެ، ކޮވިޑްގެ ނުރައްކާ ބޮޑުވެއްޖެއެވެ.
ހަނިމާދޫގައި ހިންގާ ޕުރީސްކޫލެއް ކަމުގައިވާ ސާދާ ޕުރީސްކޫލުގެ 1 ދަރިވަރަކާއި ހަނިމާދޫ ސްކޫލް ގްރޭޑް 4 ގެ ދަރިވަރަކު ވަނީ މިއަދު ކޮވިޑް 19އަށް ޕޮޒިޓިވް ވެފައެވެ.
އެ ދެ ދަރިވަރުންވެސް ވަނީ އަންގާރަ ދުވަހު ސްކޫލްލަށް ހާޒިރުވެފައެވެ. ރޯގާގެ އަލާމާތް ހުރުމުން އެ ދެ ދަރިވަރުންގެ ސާމްޕަލް ނެގީ ބުދަ ދުވަހުއެވެ.
މުޅި ޖުމުލަ 24 ފަރާތެއް ޕޮޒިޓިވް ވެފައިވާއިރު މިއަދު ވަނީ 7 ފަރާތެއް ޕޮޒިޓިވް ވެފައެވެ. އެއީ ޑައިރެކްޓް ކޮންޓެކްޓުންގެ 4 ސާމްޕަލާއި ރޯގާގެ އަލާމާތް ހުރެގެން ނެގުނު 3 ސާމްޕަލްއެކެވެ.
ހަނިމާދޫން މިފަހަރު ކޮވިޑް 19ގެ ކޭހެއް ފެނިފައި ވަނީ މިމަހުގެ 6 ވަނަ ދުވަހުއެވެ. އޭގެފަހުން ކޮންމެ ދުވަހަކު ދަނީ ކޮވިޑް ކޭސްތައް ހަނިމާދޫން ފެންނަމުންނެވެ.
