ހަނިމާދޫ ހިމެނޭހެން ނުވަ ރަށަކަށް އަރައި ފޭބުން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މަނާކޮށްފިއެވެ.
މިއަދު ހެނދުނު 10:00އާ ހަމައަށް މޮނީޓަރިންގެ ހާލަތަށް ގެނެސްފައިވާ ރަށްތަކުގެ ލިސްޓު އެޗްޕީއޭ އިން މީޑިއާތަކާ ހިއްސާކޮށްފައިވާ އިރު، މިއަދު މޮނީޓަރިންގެ ހާލަތަށް ގެނެސް، އަރައި ފޭބުން މަނާކުރި ނުވަ ރަށެއްވެ އެވެ.
ބަންދުކުރި ރަށްތައް:
ބ. އޭދަފުށި
ހދ. ހަނިމާދޫ
ބ. ދޮންފަނު
ނ. ލަންދޫ
ނ. މިލަދޫ
ޅ. ހިންނަވަރު
ތ. ވިލުފުށި
ތ. ހިރިލަންދޫ
ގދ. ރަތަފަންދޫ
މި ނުވަ ރަށާއެކު މިވަގުތު ރާއްޖޭގެ 21 ރަށެއް ވަނީ މޮނީޓަރިންގެ ހާލަތަށް ގެނެސް، އެ ރަށްތަކަށް އަރައި ފޭބުން މަނާކޮށްފަ އެވެ.
އަތޮޅުތެރޭގެ ނުވަ ރަށެއް މޮނީޓަރިންގެ ހާލަތަށް ގެނެސްފައިވާ އިރު، ރާއްޖޭން އިއްޔެ ކޮވިޑު ޖެހުނު މީހުންގެ އަދަދު ވަނީ 218 އަށް އަރައިފަ އެވެ. އޭގެ ތެރެއިން 188 ކޭސް ފެނިފައި ވަނީ އަތޮޅު ތެރެއިންނެވެ. އޭގެ ތެރެއިން އެންމެ ގިނަ ކޭސް ފެނިފައި ވަނީ ފަސް ރަށަކުންނެވެ. އެއީ:
ދ. ކުޑަހުވަދޫން 26 ކޭސް
ހއ. ދިއްދޫން 21 ކޭސް
ހދ. ހަނިމާދޫން 16 ކޭސް
ނ. މާފަރުން 29 ކޭސް
ތ. ވިލުފުށިން 27 ކޭސް
