ރާއްޖެއާ ބަންގަލަދޭޝްއާ ދެމެދު ހަތަރު އެއްބަސްވުމެއްގައި ސޮއިކޮށްފިއެވެ.
ރައީސުލްޖުމްހޫރިއްޔާގެ އޮފީހުގައި އެއްބަސްވުންތައް ބަދަލުކުރުމުގެ ރަސްމިއްޔާތު ކުރިއަށް ގޮސްފައިވަނީ ދެ ގައުމުގެ އިސްވެރިންގެ ދެމެދުގައި ކުރިއަށްދިޔަ މަޝްވަރާތަކަށް ފަހުއެވެ.
ބަދަލުކުރެވުނު އެއްބަސްވުންތަކުގެ ތެރޭގައި، ދެގައުމުގެ ދެމެދުގައި ޒުވާނުންނާއި ކުޅިވަރާއި ގުޅޭދާއިރާގެ އެމްއޯޔޫއެއްގައި ސޮއިކުރުމާއި، އެވޮއިޑެންސް އޮފް ޑަބަލް ޓެކްސޭޝަންއާ ގުޅޭ އެއްބަސްވުމަކާއި ހެލްތު ޕްރޮފެޝަނަލުން ތަމްރީނުކުރުމުގެ އެއްބަސްވުމެއް އަދި އަސްކަރީ އުޅަނދު ދިނުމުގެ އެއްބަސްވުމެއްގައި ސޮއިކޮށްފައިވެއެވެ.
ރައީސް އިބްރާހިމް މުހައްމަދު ސޯލިހްގެ ދައުވަތަކަށް ބަންގްލަދޭޝްގެ ބޮޑުވަޒީރު ޝައިހް ހަސީނާ ރާއްޖެއަށް ވަޑައިގެންފައިވާއިރު، ޝައިހް ހަސީނާ މިއަދު ނައިބު ރައިސް ފައިސަލް ނަސީމް، އުއްތަމަފަނޑިޔާރު މުއުތަސިމް އަދުނާން އަދި ފޮރިން މިނިސްޓްރީގެ ސްޓޭޓް މިނިސްޓަރާ ބައްދަލުކުރައްވާ ގޮތަށް ވަނީ ހަމަޖެހިފައެވެ.
