ކުޅުދުއްފުށިން ކުޑަ ދެ ކުދިން ކޯވިޑްއަށް ޕޮޒިޓިވްވެ، ޖުމްލަ އަދަދު 10 އަށް އަރައިފިއެވެ.
ކުޅުދުއްފުށިން މިއަދު ޕޮޒިޓިވްވީ އަލާމާތްތައް ހުރެގެން އިއްޔެ ފުލޫ ކްލިނިކަށް ދެއްކި 9 އަހަރުގެ ފިރިހެން ހުއްޖަކާއި، ގާލްގައިޑް ކޭމްޕަކަށް ދިއުމަށްޓަކައި ރޭގެ ވަގުތެއްގައި ސާމްޕަލް ނެގި 12 އަހަރުގެ އަންހެން ކުއްޖެކެވެ.
މި މަހުގެ 19 ވަނަ ދުވަހު ފުލޫކްނިކަށް ދެއްކި 30 އަހަރުގެ އަންހެނަކާއި، ބަލީގެ އަލާމާތްތައް ހުރުމުން މި މަހުގެ 20 ދުވަހު ފުލޫ ކްލިނިކަށް ދެއްކި 28 އަހަރުގެ ފިރިހެނެއްވެސް ވަނީ އެ ކުޅުދުއްފުށިން ޕޮޒިޓިވްވެފައެވެ. 30 އަހަރުގެ އަންހެން މީހާގެ ޑައިރެކްޓް ކޮންޓެކްޓުންގެ ގޮތުގައި ފާހަގަކުރެވުނު އޭނާގެ އާއިލާގެ 3 މީހަކާއި، ސީކްއީން ބޯޓްގެ 3 މީހެއްވެސް ވަނީ މި މަހުގެ 21 ވަނަ ދުވަހު ޕޮޒިޓިވްވެފައެވެ.
މި ކްލަސްޓަރގެ ކުރިން ކުޅުދުއްފުށިން އެންމެ ފަހުން ކޯވިޑް ކޭސްއެއް ފެނިފައިވަނީ މި އަހަރުގެ ނޮވެމްބަރ މަހުގެ 7 ވަނަ ދުވަހުއެވެ.
