ރައީސް އިބްރާހިމް މުހައްމަދު ސޯލިހު މާދަމާ ނ.އަތޮޅުގެ ބައެއް ރަށްތަކަށް ދަތުރުފުޅެއް ފެއްޓެވުމަށް ނިންމަވައިފި އެވެ.
ރައީސް މާދަމާ ފައްޓަވާ ދަތުރުފުޅުގައި ވަޑައިގަތުމަށް ހަމަޖެހިފައިވަނީ ލަންދޫ، މަނަދޫ، މަގޫދޫ، ހޮޅުދޫ އަދި މާފަރަށެވެ.
މި ދަތުރުފުޅުގައި ނ.އަތޮޅު ކައުންސިލާއި، ރަށު ކައުންސިލްތަކާއި އަދި އަންހެނުންގެ ތަރައްގީ އަށް މަސައްކަތް ކުރާ ކޮމިޓީތަކުގެ އިތުރުން އެ ރަށްރަށުގެ ރައްޔިތުންނާއި ވެސް ރައީސް ބައްދަލުކުރައްވާނެ އެވެ.
އާ އަހަރު ފާހަގަކުރެއްވުމަށް ސްރީލަންކާ އަށް ކުރެއްވި ނުރަސްމީ ދަތުރުފުޅު ނިންމަވާލެއްވުމަށްފަހު ރައީސްގެ ދެކަނބަލުން ރާއްޖެ ވަޑައިގެންނެވީ އިއްޔެ އެވެ.
