ރ. ދުވާފަރު މަގުހެދުމުގެ މަޝްރޫއުގެ (ދެވަނަ ފިޔަވަހި) ގެ މަސައްކަތުގެ 50 އިންސައްތަ މަސައްކަތް ނިމިއްޖެއެވެ.
އެމްޓީސީސީން ކުރިއަށްގެންދާ މި މަޝްރޫއުގެ ފުރަތަމަ ފޭސްގެ މަސައްކަތްތައްވެސް ކުރިއަށްގެންގޮސްފައި ވަނީ އެ ކުންފުނިންނެވެ.
އެރަށު މަގު ހެދުމުގެ ފުރަތަމަ ފިޔަވަހީގެ މަސައްކަތް ނިންމާލިކަން ހާމަކޮށްފައި ވަނީ އޮކްޓޯބަރު 31 ވަނަ ދުވަހުއެވެ. އެ މަސައްކަތުގެ ދަށުން އެރަށުގެ 2.7 ކިލޯމީޓަރު ދިގު 12 މަގެއްގައި ތާރުއެޅުމުގެ މަސައްކަތް ކޮށްފައި ވެއެވެ. އަދި އަކަމީޓަރުގެ ދުއްވާ ސަރަޙައްދެއް ގާއިމުކޮށް 6،564 އަކަ މީޓަރުގެ ސަރަހައްދެއްގައި ހިނގާ ސަރަހައްދެއް ގާއިމުކޮށްފައިވެއެވެ.
އެ ކުންފުނިން މިއަދު މައުލޫމާތު ދިން ގޮތުގައި، އެ މަޝްރޫއުގެ ދެވަނަ ފޭސްގެ ތެރެއިން ސަބްބޭސް މަސައްކަތްތައް މިދިޔަ އަންގާރަ ދުވަހު ވަނީ ފަށާފައެެވެ.
އެމްޓީސީސީން ބުނީ، މި މަޝްރޫއުގެ ދަށުން، 17790 އަކަ މީޓަރުގެ ދުއްވާ ސަރަހައްދެއް ގާއިމުކުރުމާއި، 4960 އަކަ މީޓަރުގެ ހިނގާ ސަރަހައްދެއް ޤާއިމުކުރުމާއި، ފެންހިންދާ ނިޒާމެއް ގާއިމުކުރުމާއި، މަގުބައްތި ހަރުކުރުމުގެ މަސައްކަތް ހިމެނޭ ކަމަށެވެ.
