އައްޑޫ ސިޓީން ކޮވިޑް-19 އަށް މިއަދު 23 މީހަކު ޕޮޒިޓިވް ވެއްޖެ އެވެ.
އައްޑު އިމަޖެންސީ އޮޕަރޭޝަން ސެންޓަރުން ބުނީ މިއަދު ހަވީރު 6 ޖެހުމާ ހަމައަށް ފެނުނު 23 ކޭސްގެ ތެރެއިން 11 ކޭސް ފެނިފައިވަނީ ހިތަދޫން ކަމަށާއި 9 ކޭސް މީދޫން ފެނިފައިވާއިރު، ހުޅުދޫން ދެ ކޭސް އަދި މަރަދޫން އެއް ކޭސް ފެނިފައިވާ ކަމަށެވެ.
މިއީ އައްޑޫ މޮނީޓަރިން ހާލަތުން ނެގިފަހުން އެއް ދުވަހެއްގައި އެންމެ ގިނަ އަދަދަކަށް މީހުން ޕޮޒިޓިވްވި ދުވަހެވެ.
އައްޑޫގެ އަވަށްތަކުގެ ތެރެއިން އެންމެ ގިނަ އަދަދަކަށް ކޮވިޑްގެ އެކްޓިވް ކޭސް މިހާރު އުޅެނީ ހިތަދޫގަ އެވެ. އެގޮތުން ހިތަދޫގައި ކޮވިޑްގެ 69 ކޭސް އުޅޭއިރު، މަރަދޫފޭދޫގައި އެއް ކޭސް، ފޭދޫގައި ހަތަރު ކޭސް، މީދޫގައި 12 ކޭސް އަދި ހުޅުދޫގައި ދެ ކޭސް އުޅޭ ކަމަށް އެ ސެންޓަރުން ހާމަކުރެއެވެ. އެއާއެކު އައްޑޫގެ މުޅި ޖުމްލަ އެކްޓިވް ކޭސްގެ އަދަދު ވަނީ 91 އަށް ދަށްވެފަ އެވެ.
އައްޑޫ ކޮވިޑް ފެސިލިޓީގައި އެކަކަށް ފަރުވާ ދެމުންދާއިރު، މި ބަލީގައި އައްޑޫ އިން ވަނީ 13 މީހަކު ނިޔާވެފައެވެ.
