ހަނިމާދޫ ޑަބްލިޔު.ޑީ.ސީއިން ހަނިމާދޫ ސިއްހީ މަރުކަޒަށް ބައެއް ތަކެތި ހަދިޔާކޮށްފިއެވެ.
މިތަކެތި އެ މަޒުކަޒާ ހަވާލުކުރީ މިދިޔަ ބުރާސްފަތި ދުވަހު ހަނިމާދޫ ކައުންސިލްގެ ޖަލުސާކުރާ މާލަމުގައި އެކަމަށްޓަކައި ބޭއްވުން ބައްދަލުވުމެއްގައެވެ.
ހަނީމާދޫ ޑަބްލިޔު.ޑީ.ސީ މެންބަރުންނާއި ކައުންސިލްގެ ރައީސް ބައިވެރިވި ބައްދަލުވުމުގައި މަރުކަޒު ފަރާތުން ބައިވެރިވީ ސީނިއާރ ކޮމިއުނިޓީ ހެލްތު އޮފިސަރ ޒުބައިދާ އިބުރާހިމް އާއި އެމަރުކަޒުގެ ޕަޕްލިކް ހެލްތުގައި އުޅުއްވާ އަންހެން މުވައްޒިފެކެވެ.
ހަވާލު ކުރެވުނު އެހީއާ ބެހޭގޮތުން ޑަބްލިޔު.ޑީ.ސީގެ ރައީސާ ޢާއިޝަތު ޝިއުނީ ވިދާޅުވީ 55 އިންޗި ޓީވީއަކާއި ކޮންޕިއުޓަރ ސިސްޓަމެއް ހަދިޔާ ކުރެވުނުކަމަށެވެ.
ްއިތުރަށް ވާހަކަ ކުރިއަށް ގެންދަމުން ވިދާޅުވީ އެ މަރުކަޒާ ގުޅިގެން އެތަނުގެ ނޮޓިސްބޯޑް ޑިޖިޓަލްކުރުމުގެ އިތުރުން އަންހެނުންގެ ސިއްހީ ހާލަތު ރަނގަޅުކުރުމަށް މަޢުލޫމާތު ފޯރުކޮއްދިނުމަށް އެޅިގެން ދިޔަ ފިޔަވަޅެއްކަމަށެވެ.
މި ތަކެތި ގަތުމަށް 25 ހާސްރުފިޔާ ބަޖެޓެއް ޑަބްލިޔު.ޑީ.ސީއިން ހަމަޖައްސާ ހަރަދު ކޮށްފައިވެއެވެ.
ހަނިމާދޫ ޑަބްލިޔު.ޑީ.ސީއިން ދާދިފަހުން ވަނީ ޕިކްނިކް އޭރިޔާއެއްވެސް ތަރައްގީކުރުމުގެ މަސައްކަތް ފަށާފައެވެ.
ފޮޓޯ : ހަނިމާދޫ ޑަބްލިޔު.ޑީ.ސީ
