ކުޅުދުއްފުށިން ރޭންޑަމް ސާމްޕަލްތަކެއް ޕޮޒިޓިވްވެ ކޮވިޑް ޖެހުނު މީހުންގެ އަދަދު 62 އަރައިފި އެވެ.
އެގޮތުން އިއްޔެ ރޭންޑަމް 3 ސާމްޕަލެއް ޕޮޒިޓިވްވެފައިވާއިރު މިއަދު ވަނީ ރޭންޑަމް 2 ސާމްޕަލް ޕޮޒިޓިވްވެފަ އެވެ. މިއަދު ފުލޫ ސާމްޕަލެއްވެސް ޕޮޒިޓިވްވެފައިވާއިރު ކޮންޓެކްޓް ޓްރޭސިން ގެތެރެއިން 5 މީހަކު ވަނީ ޕޮޒިޓިިވް ވެފައެވެ.
ކުޅުދުއްފުށީގެ ކޭސްތަކާއި ގުޅިގެން މިވަގުތު 32 ގެއެއް ވަނީ މޮނީޓަރިންގެ ހާލަތަށް ގެނެސްފައެވެ.
މިވަގުތު ކުޅުދުއްފުށީގެ އިތުރުން ހދ ގެ 6 ރަށެއްގައި ކޮވިޑް ކޭސްތައް ދަނީ ފެތުރެމުންނެވެ. ކުޅުދުއްފުށި ފިޔަވާ އެންމެ ގިނަ ކޭސް ފެނިފައިވަނީ ނޮޅިވަރަންފަރުންނެވެ. އެރަށުން 65 ކޭސް ވަނީ ފެނިފައެވެ.
ނައިވާދޫއިން 26 ކޭސް ފެނިފައިވާއިރު ވައިކަރަދޫއާއި ނެއްލައިދޫން ވަނީ 6 ކޭސް ފެނިފައެވެ. އަދި ކުރިނބީން 2 ކޭސް ނޮޅިވަރަމުން 4 ކޭސް ވަނީ ފެނިފައެވެ.
