ކޮވިޑު ވެކްސިންގެ ބޫސްޓަރ ޑޯޒް ހޮނިހިރު ދުވަހުން ފެށިގެން އާއްމުކޮށް ޖަހަން ފަށާނެކަން ހާމަކޮށްފިއެވެ.
އެޗްޕީއޭ އިން މިއަދު ކުރި އިއުލާނެއްގައި ވަނީ ކޮވިޑްގެ ވެކްސިނަށް ކަނޑައަޅާފައިވާ ޑޯޒްތައް ފުރިހަމަކޮށް، ހަ މަސް ފުރިފައިވާ 18 އަހަރުން މަތީގެ ހުރިހާ ފަރާތްތަކަށްވެސް ބޫސްޓާ ޑޯޒެއްގެ ގޮތުގައި ފައިޒާ ވެކްސިން އަންނަ ހޮނިހިރުން ފެށިިގެން ޖަހައިދެވޭނެ ކަމަށެވެ.
އެ އިއުލާނުގައިވާގޮތުން މާލެ ސަރަހައްދުގައި ބޫސްޓް ޑޯޒް ޖަހަނީ އެޕޮއިންޓްމެންޓް އުސޫލުންނެވެ.
ވެކްސިން ޖަހަން ދާ ފަރާތްތަކުން އައިޑީކާޑު ގެންދިއުމާއި، ބަލީގެ އެއްވެސް އަލާމާތެއް އަދި ކަރަންޓީންގައި ހުރި މީހަކަށް ނުވުމާއި، ގަޔަށް ދޫ ފަސޭހައިން ކޮނޑު ދެއްކޭނެ ހެދުމެއް ލުމާއި ވެކްސިން ޖަހަން ދާއިރު ރަނގަޅަށް ކައިގެން ހުރުމާއި، ވެކްސިން ޖަހަން ދާއިރު އަމިއްލަ ފެންފުޅިއެއް ގެންދިއުމަށް އެޗްޕީއޭ އިން ހަނދާންކޮށްދީފައި ވެއެވެ.
