ކޮވިޑް-19 އާ ގުޅިގެން ރާއްޖޭގެ ހަތަރު ރަށެއް ބަންދުކޮށްފިއެެވެ.
މިއަދު މެންދުރު ފަހު ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އާއްމުކޮށްފައިވާ މައުލޫމާތަށް ބަލާއިރު، މިއަދު ހަތަރު ރަށެއް ވަނީ ބަންދުކޮށްފައެވެ. އެއީ ށ.ފުނަދޫ، ބ. ދަރަވަންދޫ، ދ. ބަނޑިދޫގެ އިތުރުން ލ. ގަމެވެ.
މި ތިން ރަށުގެ ތެރެއިން ފުނަދޫ އާއި ދަރަވަންދޫއަކީ ޑޮމެސްޓިކް އެއާޕޯޓެއް އޮންނަ ރަށެކެވެ. މިއަދު މޮނީޓަރިންގެ ހާލަތަށް ގެނައި ހަތަރު ރަށާއެކު މޮނީޓަރިންގެ ހާލަތުގައި މިވަގުތު 12 ރަށެއް އެބަ އޮތެވެ. އެއީ:
- ކ. ތުލުސްދޫ
- ހދ. ނައިވާދޫ
- ދ. ހުޅުދެލި
- ކ. މާފުށި
- ހއ. އިހަވަންދޫ
- ހދ. ނެއްލައިދޫ
- ލ. ފޮނަދޫ
- ހދ. ނޮޅިވަރަންފަރު
- ށ. ފުނަދޫ
- ބ. ދަރަވަންދޫ
- ދ. ބަނޑިދޫ
- ލ. ގަން
ރާއްޖޭގައި އަނެއްކާވެސް ކޮވިޑު ފެތުރެމުންދާ އިރު، އެޗްޕީއޭ އިން ހާމަކޮށްފައިވާ ގޮތުން، ރާއްޖޭގައި މިހާރު ފެތުރެމުން ދަނީ ކޮވިޑް-19ގެ އާ ވޭރިއަންޓް، އޮމިކްރޯން އެވެ. އަދި އެ ވޭރިއަންޓް މާލޭގެ އިތުރުން ކ. މާފުއްޓާއި ދ. ކުޑަވަހުދޫން ވަނީ ފެނިފަ އެވެ.
