ކުޅުދުއްފުށި ސިޓީއިން އިތުރު 33 މީހަކު ކޯވިޑްއަށް ޕޮޒިޓިވްވެއްޖެއެވެ.
އެ ސިޓީއިން މިއަދު 33 މީހުން ޕޮޒިޓިވްވެފައިވާއިރު، 14 މީހުން ވަނީ ބަލިން ރަނގަޅުވެފައެވެ. މިއަދު ޕޮޒިޓިވްވީ ސާމްޕަލްތަކަކީ މި މަހުގެ 13 އަދި 14 ވަނަ ދުވަހު ނެގި ސާމްޕަލްތަކެކެވެ. އެ ސިޓީގައި މިވަގުތު ތިބި އެކްޓިވް ކޭސްތަކުގެ އަދަދަކީ 115 އެވެ. އޭގެތެރޭގައި ހިމެނެނީ އަލާމާތްތައް ހުރެގެން ފްލޫ ކްލިނިކަށް ދެއްކި 23 މީހަކާއި، ރޭންޑަމް ސާމްޕަލްއިން ޕޮޒިޓިވްވީ 26 މީހެއް އަދި ކޮންޓެކްޓް ޓްރޭސިންގ ގޮތުގައި ފާހަގަކުރެވުނު 66 މީހެކެވެ.
ކޮންޓެކްޓުންގެ ގޮތުގައި ފާހަގަކުރެވިގެން 36 މީހަކު ކަރަންޓީންގައި ތިބިއިރު، 21 ގެއެއްވަނީ މޮނިޓަރިންއަށް ލާފައެވެ.
ކުޅުދުއްފުށިން ކޯވިޑް ކޭސްއެއް ނުފެނި ދުވަސްކޮޅެއް ދިއުމަށްފަހު އެންމެ ފުރަތަމަ ކޯވިޑް ކޭހެއް ފެނިފައިވަނީ މިދިއަ ޑިސެމްބަރ މަހުގެ 20 ވަނަ ދުވަހުއެވެ.
