ކޮވިޑް-19 ޖެހިގެން ރާއްޖެއިން އިތުރު މީހަކު ނިޔާވެއްޖެ އެވެ. މިރޭ ނިޔާވީ އުމުރުން 52 އަހަރުގެ އަންހެނެކެވެ.
މިކަން ހާމަކޮށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވީ، އެ އަންހެން މީހާ ނިޔާވީ 11:20 ހާއިރު އައިޖީއެމްއެޗްގައި ކަމަށެވެ.
އެޗްޕީއޭއިން ވިދާޅުވީ މި އަންހެން މީހާ ހޮސްޕިޓަލުގެ އިމަޖެންސީއަށް ދިޔައީ ނޭވާލާން އުނދަގޫވެގެން އިއްޔެ ހަވީރު 4:40 ގައި ކަމަށެވެ. އެއަށްފަހު އޭނާ ނިޔާވީ ފަރުވާކުރަމުން ދަނިކޮށެވެ.
މިއާއެކު ރާއްޖެއިން މިހާތަނަށް ކޮވިޑް-19 ޖެހިގެން ނިޔާވި މީހުންގެ އަދަދު މިހާރު ވަނީ 17 އަށް އަރާފައެވެ. މީގެ ތެރޭގައި ހިމެނެނީ 13 ދިވެއްސަކާއި ހަތަރު ބިދޭސީއެކެވެ.
