ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ހދ. ހަނިމާދޫ މޮނިޓަރިން ހާލަތަށް ގެނެސްފިއެވެ.
ހަނިމާދޫ މޮނިޓަރިންއަށްލާފައި މިވަނީ 42 މީހަކު ހަނިމާދޫއިން ޕޮޒެޓިވް ވެފައިވަނިކޮށެވެ.
ހަނިމާދޫ ސިއްހީ މަރުކަޒުން ރޭގެ ވަގުތެއްގައި ހާމަކުރި ގޮތުން 2022 ޖަނަވަރީ 14 ވަނަ ދުވަހު ނެގުނު 42 ސާމްޕަލުގެ ތެރެއިން 16 ސާންޕަލެއްވަނީ ކޮވިޑް 19އަށް ޕޮޒިޓިވްވެފައެވެ.
އެއީ ފްލޫ 1 ސާމްޕަލާއި ޑައިރެކްޓް ކޮންޓެކްޓް 9 ސާމްޕަލާއި ޑިޕާޗަރ 4 ސާމްޕަލުގެ އިތުރުން ރެންޑަމް 2 ސާމްޕަލުކަމަށް އެ މަރުކަޒުން މައުލޫމާތު ދެއެވެ.
ހަނިމާދޫ އިން މިފަހަރު ކޮވިޑް 19 ކޭސްތަކެއް ފެނުނީ 10 ޖަނަވަރީ 2022 ގައެވެ. އެދުވަހު ވަނީ 5 ފަރާތެއް ކޮވިޑަށް ޕޮޒިޓިވްވެފައެވެ.
އަދި 11 އަދި 12 ޖަނަވަރީ 2022 ވަނަ ދުވަހު ވަނީ 16 ފަރާތެއް ކޮވިޑަށް ޕޮޒިޓިވްވެފައެވެ. އެއީ ފްލޫ 2 ސާމްޕަލާއި ޑައިރެކްޓް ކޮންޓެކްޓް 11 ސާމްޕަލް އަދި ޑިޕާޗަރ 3 ސާމްޕަލެވެ.
މީގެއިތުރުން ޖަނަވަރީ 13 ވަނަ ދުވަހު ނެގުނު 13 ސާމްޕަލުގެ ތެރެއިން 05 ސާންޕަލެއް ވަނީ ކޮވިޑް 19އަށް ޕޮޒިޓިވްވެފައެވެ. އެއީ ފްލޫ 1 ސާމްޕަލާއި ޑައިރެކްޓް ކޮންޓެކްޓް 4 ސާމްޕަލުކަމަށް ހަނިމާދޫ ސިއްހީ މަރުކަޒުން މައުލޫމާތުދެއެވެ.
