ކޮވިޑް-19 އަށް ފަރުވާ ހޯދަމުން އައި އިތުރު މީހަކު ނިޔާވެއްޖެ އެވެ. މިއީ މިއަދު ނިޔާވި 4 މީހާއެވެ.
ލ. ގަމު ކޮވިޑް-19 ފެސިލިޓީގައި ފަރުވާ ދެމުން ދިޔަ އިތުރު މީހަކު ނިޔާވެއްޖެވެ. މިއަދު ހެނދުނުވެސް ގަމު ކޮވިޑް-19 ފެސިލިޓީގައި ފަރުވާ ދެމުން ދަނިކޮށް މީހަކުވަނީ ނިޔާވެފައެވެ.
ގަމު ކޮވިޑް-19 ފެސިލިޓީގައި މިއަދު ފުރަތަމަ ނިޔާވެފައިވަނީ ލ. ފޮނަދޫ މީހެކެވެ. ދެވަަނައަށް ނިޔާވެފައިވަނީ އެ އަތޮޅު އިސްދޫ ފިރިހެނެކެވެ. އެއީ 84 އަހަރުގެ ފިރިހެނެކެވެ.
މިއަދު ހުޅުމާލޭ ފެސިލިޓީންނާއި އައްޑޫ ކޮވިޑް-19 ފެސިލިޓީގައި ފަރުވާ ދެމުން ދިޔަ ދެ މީހުންވެސް ވަނީ ނިޔާވެފައެވެ. މިއާއެކު ކޮވިޑް-19 ޖެހިގެން ނިޔާވި މީހުންގެ އަދަދުވަނީ 269 އަރާފައެވެ.
